செய்திகள்

ஜனநாயக இடதுசாரி முன்னணியின் மக்கள் மைய பிரகடனம் ஜனாதிபதியிடம் கையளிப்பு

“சுபீட்சத்தின் நோக்கு” நிகழ்ச்சித்திட்டத்தை முன் கொண்டு செல்வதற்காக ஜனநாயக
இடதுசாரி முன்னணி தயாரித்த “சுபீட்சத்தின் நோக்கு” க்கான மக்கள்
மைய பிரகடனம் இன்று (07) முற்பகல் ஜனாதிபதி அலுவலகத்தில் வைத்து ஜனாதிபதி
கோட்டாபய ராஜபக்ஷ அவர்களிடம் கையளிக்கப்பட்டது.

இந்த பிரகடனத்தை ஜனநாயக இடதுசாரி முன்னணியின் தலைவர் அமைச்சர் வாசுதேவ
நாணயக்கார ஜனாதிபதி அவர்களிடம் வழங்கிவைத்தார்.

“சுபீட்சத்தின் நோக்கு” க்கான ஜனநாயக இடதுசாரி முன்னணியின் மக்கள் மைய
பிரகடனம் ஜனாதிபதியிடம் கையளிப்பு…

தேசிய பாதுகாப்பிற்கு முன்னுரிமை அளித்தல், நட்புறவுடனான அணிசேரா வெளியுறவுக்
கொள்கையை நடைமுறைப்படுத்துதல், ஊழல் மற்றும் மோசடிகள் இல்லாத தூய்மையான அரச
நிர்வாகத்தை கட்டியெழுப்புதல் மற்றும் மக்களுக்கு பொறுப்பு கூறும்
அரசியலமைப்பு சீர்திருத்தம் ஆகியவை உள்ளிட்ட “சுபீட்சத்தின் நோக்கு” கொள்கை
பிரகடனத்தில் கூறப்பட்டுள்ள பல விடயங்கள் குறித்த கட்சியின் கொள்கைகள் இதில்
உள்ளடக்கப்பட்டுள்ளன.

இப்பிரகடனத்தில் முன்வைக்கப்பட்டுள்ள நிகழ்ச்சித்திட்டம் குறித்து கிராமிய
மக்களுக்கு அறிவூட்டுவதற்காக அரசியல் மற்றும் சமூக ஆர்வலர்களை
அணிதிரட்டுவதற்காக 100 கருத்தரங்குகளை நடத்த ஜனநாயக இடதுசாரி முன்னணி
திட்டமிட்டுள்ளது.

இந்நிகழ்வில் மொனராகலை மாவட்ட பாராளுமன்ற உறுப்பினர் வைத்தியர் கயாஷான்
நவனந்தனவும் கலந்துகொண்டார்.

ஜனாதிபதி ஊடகப் பிரிவு

Related Articles

Back to top button
WP2Social Auto Publish Powered By : XYZScripts.com