...
செய்திகள்

திருக்கோவில் பகுதியில் புதையல் தோண்டிய 11 பேர் கைது

அம்பாறை, திருக்கோவில் பொலிஸ் பிரிவிலுள்ள வில்காமம் மலை பிரதேசத்தில் புதையல் தோண்டலில் ஈடுபட்ட 11 பேர் நேற்றிரவு கைதுசெய்யப்பட்டுள்ளனர்.

இதன்போது புதையல் தோண்டலுக்கு பயன்படுத்திய உபகரணங்களையும் திருக்கோவில் பொலிசார் மீட்டுள்ளனர்.

குறித்த பிரதேசத்தில் உள்ள மலையில் கல்லுடைக்கும் நடவடிக்கை இடம்பெற்று வருகின்ற நிலையில் சம்பவதினமான நேற்று இரவு மலைக்கு அருகில் புதையல் தோண்டும் நடவடிக்கையில் ஒரு குழுவினர் ஈடுபட்டுவருவதாக பொலிசாருக்கு தகவல் கிடைத்துள்ளது.

இதனையடுத்து குறித்த பகுதியை பொலிஸார் முற்றுகையிட்டபோது அங்கு புதையல் தோண்டும் நடவடிக்கையில் ஈடுபட்டுக் கொண்டிருந்த குழுவினர் கைதுசெய்யப்பட்டுள்ளனர்.

சம்பவத்தில் கைதானவர்கள் தம்பிலுவில் மற்றும் திருக்கோவில் பகுதிகைளச் சேர்ந்தவர்கள் ஆவர்.

கைதான நபர்களை நீதிமன்றில் ஆஜர்படுத்த நடவடிக்‍கை எடுக்கப்பட்டுள்ளதாக திருக்கோவில் பொலிஸார் தெரிவித்துள்ளனர்.

Related Articles

Back to top button


Thubinail image
Screen