அரசியல்

நாடு மிகவும் வேகமாக வீழ்ச்சியடைந்து வருகிறது

தற்போது நாடு மிகவும் வேகமாக வீழ்ச்சியடைந்து வருவதாக முன்னாள் ஜனாதிபதி மஹிந்த ராஜபக்ச தெரிவித்துள்ளார்.

கொஸ்கம பகுதியில் இடம்பெற்ற நிகழ்வொன்றின் கலந்து கொண்டு உரையாற்றும் போதே அவர் அவ்வாறு கூறியுள்ளார்.

தொடர்ந்தும் அவர் கருத்து தெரிவிக்கையில்,

ஊழல் குற்றச்சாட்டுக்கள் உள்ள அமைச்சர்கள் தொடர்பில் தெரியும் என்றால் அவர்களின் விபரங்களை வெளியிட வேண்டும்.

தற்போதைய அரசாங்கத்தைப் பற்றி பொய்யான கதைகளை தயாரிக்க எவ்வித அவசியமும் இல்லை. அவர்களது செயல்கள் தொடர்பில் கருத்து தெரிவித்தால் மட்டுமே போதுமானது என குறிப்பிட்டுள்ளார்.

நில்வளா திட்டத்தில் கொமிஷன் பணம் கேட்ட இரு அமைச்சர்கள் தொடர்பில் தெரியவந்துள்ளதாக ஜனாதிபதி மைத்திரிபால சிறிசேன அண்மையில் தெரிவித்திருந்தார்.

குறித்த கருத்திற்கு பதிலளிக்கும் வகையிலேயே முன்னாள் ஜனாதிபதி மஹிந்த ராஜபக்ச இவ்வாறு தெரிவித்துள்ளார்.

Related Articles

Leave a Reply

Your email address will not be published.

Back to top button