Author: Thana

உடல் ரீதியிலான சவால்களைத் தமது கல்விக்கனவுகளுக்குத் தடையாகக் கொள்ளாது, இலங்கையின் அரச பல்கலைக்கழகங்களில் கல்வி பயிலும் மாற்றுத்திறனாளி மாணவர்களுக்காக ஜனாதிபதி நிதியத்தினால் நடைமுறைப்படுத்தப்படும் ‘பல்கலைக்கழக சாதனையாளர்களின் பெருமை’ விசேட புலமைப்பரிசில் திட்டத்தின் மூன்றாவது கட்டம் நிகழ்ச்சி பிரதமர் கலாநிதி ஹரிணி அமரசூரிய தலைமையில் கிழக்கு பல்கலைக்கழகத்தின் சுவாமி விபுலானந்த அழகியல் கற்கைகள் நிறுவகத்தில் (12) நடைபெற்றது. இத்திட்டத்தின் கீழ், தற்போது இலங்கையின் அரச பல்கலைக்கழகங்களில் கல்வி பயிலும் அனைத்து மாற்றுத்திறனாளி மாணவர்களும் கௌரவிக்கப்படுவதுடன்,  மாணவர் ஒருவருக்கு ஒரு தடவை மாத்திரம் வழங்கப்படும்  ஒரு இலட்சம் ரூபா உதவித்தொகையாக வழங்குவதற்கு ஜனாதிபதி நிதியம் நடவடிக்கை எடுத்துள்ளது. இதன் முதலாவது வேலைத்திட்டம் கொழும்பிலும், இரண்டாவது வேலைத்திட்டம் யாழ்ப்பாணத்திலும் நடைபெற்ற நிலையில், இதன் மூன்றாவது மற்றும் இறுதி வேலைத்திட்டம் கிழக்கு மாகாணத்தில் நடைமுறைப்படுத்தப்பட்டது. இதற்கமைய கிழக்கு பல்கலைக்கழகம் மற்றும் தென்கிழக்கு பல்கலைக்கழகங்களில் கல்வி பயிலும் 50 மாற்றுத்திறனாளி மாணவர்கள் இதன்போது கௌரவிக்கப்பட்டதுடன், முழுமையான வேலைத்திட்டத்தின் மூலம்…

உலக தடகள அல்டிமேட் சாம்பியன்ஷிப்’ (World Athletics Ultimate Championship) தொடரின் ஈட்டி எறிதல் போட்டியில் இலங்கையின் ருமேஷ் தரங்க தங்கப் பதக்கத்தை வென்றுள்ளார். உலகச் சிறந்த தடகள வீரர்கள் பங்கேற்ற இந்தப் போட்டி ஹங்கேரியின் புடாபெஸ்ட் நகரில் இன்று (13) நடைபெற்றது. இப்போட்டி இலங்கை நேரப்படி இன்று இரவு 9.40 மணிக்கு ஆரம்பமானது. உலகின் முதன்மை ஈட்டி எறிதல் வீரரான ருமேஷ் தரங்க இந்தப் போட்டியில் 91.09 மீற்றர் தூரம் எறிந்து தங்கப் பதக்கத்தை வென்று இலங்கைக்கு பெருமை சேர்த்தார். அவர் இந்த ஆண்டில் 92.62 மீற்றர் தூரம் எறிந்து உலகச் சாதனையை நிலை நாட்டியிருந்தார். சமீபத்தில் ‘டைமண்ட் லீக்’ ஈட்டி எறிதல் சாம்பியன் பட்டத்தை வென்ற ருமேஷிற்கு, ஜெர்மனியின் ஜூலியன் வெபர் முக்கிய சவாலாக இருப்பார் என எதிர்பார்க்கப்பட்டது. அவர் ஐரோப்பிய தடகள சாம்பியன்ஷிப்பில் 90.4 மீற்றர் தூரம் எறிந்து புதிய போட்டிச் சாதனையைப் படைத்திருந்தார். எவ்வாறாயினும் இன்றைய…

பலத்த மின்னல் தாக்கங்கள் ஏற்படக்கூடிய சந்தர்ப்பம் உள்ளதாக முன் எச்சரிக்கை அறிவித்தல் ஒன்றை வளிமண்டலவியல் திணைக்களம் வெளியிட்டுள்ளது. இந்த அறிவித்தல் இன்று (14) மு.ப. 10.00 மணிக்கு வெளியிடப்பட்டுள்ளதுடன், இன்றிரவு 11.30 மணி வரை அமுலில் இருக்கும் என அறிவிக்கப்பட்டுள்ளது. இதற்கமைய வடமத்திய, வடமேல், மேல், சப்ரகமுவ, மத்திய, ஊவா மற்றும் தென் மாகாணங்களிலும், அம்பாறை, மட்டக்களப்பு மற்றும் மன்னார் ஆகிய மாவட்டங்களிலும் மின்னல் தாக்கங்களினால் விபத்துக்கள் ஏற்படுவதற்கான அதிக ஆபத்து நிலவுவதாக தெரிவிக்கப்படுகின்றது. குறிப்பிட்ட பகுதிகளில் மாலை அல்லது இரவு வேளைகளில் ஆங்காங்கே இடியுடன் கூடிய மழையுடன் பலத்த மின்னல் ஏற்படுவதற்கான அதிக சாத்தியக்கூறுகள் காணப்படுவதாக வளிமண்டலவியல் திணைக்களம் தெரிவித்துள்ளது. மேலும், இடியுடன் கூடிய மழை பெய்யும் போது அப்பகுதிகளில் தற்காலிகமாக பலத்த காற்று வீசக்கூடும். எனவே மின்னல் மற்றும் காற்றினால் ஏற்படும் விபத்துக்களைக் குறைத்துக் கொள்ளத் தேவையான முன்னெச்சரிக்கை நடவடிக்கைகளை எடுக்குமாறு பொதுமக்கள் அறிவுறுத்தப்பட்டுள்ளனர்.

ம.மா/ஹ.வ/ஆல்டி தமிழ்வித்தியாலயம், பொகவந்தலாவ வரலாற்றில் பெருமை சேர்க்கும் மற்றுமொரு புலமை பரிசில் பரீட்சையில் சாதனை! ​2026 ஆம் ஆண்டுக்கான தரம் 5 புலமைப்பரிசில் பரீட்சையில் எமது பாடசாலை மாணவர்கள் திறம்படத் தோற்றி சித்தியடைந்து பாடசாலைக்கும் எமது பொகவந்தலாவ மண்ணுக்கும் பெருமை சேர்த்துள்ளனர். ​J. திவ்யதர்சினி – 146 புள்ளிகள்,​N. அக்சயவித்தீஸ் – 134 புள்ளிகள் (சிறப்பான சித்தி!) ​எமது பிஞ்சுகளின் இந்த வெற்றிக்குப் பின்னால் அயராது உழைத்து, அவர்களின் திறமைகளை மெருகூட்டி வழிநடத்திய பயிற்றுவித்த ஆசிரியர் L. மைக்கல்ராஜா அவர்களுக்கும், மாணவர்களைத் தொடர்ந்து ஊக்கப்படுத்தி அரவணைத்த அதிபர் J. சந்திரதாஸ் அவர்களுக்கும் எமது நெஞ்சார்ந்த வாழ்த்துகளும் நன்றிகளும் உரித்தாகுக! ​சாதனை படைத்த மாணவச் செல்வங்களுக்கு எமது உன்னத எதிர்கால நல்வாழ்த்துகள்! தொடர்ந்து பல வெற்றிகளைக் குவிக்க வாழ்த்துகிறோம்.

நுவரெலியா பிராந்திய சுகாதார சேவைகள் அலுவலகத்தில் சிறுவர் அபிவிருத்தி நிலையத்திற்கு அடிக்கல் நாட்டப்பட்டது நுவரெலியா பிராந்திய சுகாதார சேவைகள் அலுவலக வளாகத்தில் புதிதாக நிர்மாணிக்கப்படவுள்ள ஒருங்கிணைந்த பல்நோக்கு சிறுவர் அபிவிருத்தி மற்றும் பராமரிப்பு நிலையத்திற்கான அடிக்கல் நாட்டும் நிகழ்வு  (13) காலை நடைபெற்றது. நுவரெலியா மாவட்டத்தில் ஆரோக்கியமான சமூகத்தை உருவாக்கும் நோக்கில் முன்னெடுக்கப்படும் இந்தத் திட்டத்தின் கீழ், நுவரெலியா பிராந்திய சுகாதார சேவைகள் பணிப்பாளர் அலுவலகத்தின் கீழ் ஒருங்கிணைந்த பல்நோக்கு சிறுவர் அபிவிருத்தி மற்றும் பராமரிப்பு நிலையம் அமைக்கப்படுவதுடன், அலுவலகத்தின் பிரதான கேட்போர் கூடமும் அபிவிருத்தி செய்து விரிவாக்கப்படவுள்ளது. காலை 10 மணியளவில் ஆரம்பமான இந்நிகழ்வில் சமய அனுஷ்டானங்கள் இடம்பெற்றதைத் தொடர்ந்து, குறித்த நிலையத்திற்கான அடிக்கல் நாட்டப்பட்டது. இந்நிகழ்வில் சுகாதார மற்றும் ஊடகத்துறை அமைச்சர் நளின் ஜயதிஸ்ஸ, நுவரெலியா மாவட்ட பாராளுமன்ற உறுப்பினரும் கல்வி மற்றும் உயர்கல்வி பிரதி அமைச்சருமான வைத்தியர் மதுர தஹம் பண்டார…

உளவியல் மற்றும் ஆலோசனைத் துறையில் டிப்ளோமா கற்கைநெறியை வெற்றிகரமாக நிறைவு செய்தார் ஊடகவியலாளர் பாலேந்திரன் ஊடகவியலாளரும், சமாதான நீதிவானும், மலையோரம் செய்திகள் சேவையின் நிறுவனர் மற்றும் முகாமையாளருமான (Founder & CEO – Malaiyoram News) தேசபந்து பா.பாலேந்திரன் அவர்கள், Binzo Digital Campus ஊடாக முன்னெடுக்கப்பட்ட Diploma in Psychology and Counselling கற்கைநெறியை வெற்றிகரமாக நிறைவு செய்து, தனது கல்விப் பயணத்தில் மேலும் ஒரு உயரிய மைல்கல்லை எட்டியுள்ளார். அதன் தொடர்ச்சியாக, இன்று செப்டம்பர் 12ஆம் திகதி, கொழும்பு BMICH வளாகத்தில் நடைபெற்ற பட்டமளிப்பு விழாவில், குறித்த கற்கைநெறிக்கான சான்றிதழை அவர் பெற்றுக்கொண்டார். ஊடகப் பணியையும் சமூகப் பணியையும் முன்னெடுத்துச் செல்லும் அதேவேளை, கல்வியையும் தொடர்ந்து தனது பயணத்தின் முக்கிய அங்கமாகக் கொண்டு செயற்பட்டு வரும் பா.பாலேந்திரன் அவர்கள், அறிவைத் தேடி கற்றலைத் தொடர்வதன் மூலம் தனது அறிவாற்றலையும் தகைமையையும் மேலும் மேம்படுத்தி வருகிறார்.…

டி சந்ரு  சீதை அம்மன் ஆலயத்திற்கு முன் தொடர்கதையாகும் பாதசாரிகள் கடவையில் இடம் பெறும் விபத்துகள்.. மத்திய மாகாணம் நுவரெலியா மாவட்டத்தில் இராமாயணத்துடன் தொடர்புபட்ட வரலாற்று சிறப்புமிக்க சீதாஎலிய பிரதேசத்தில் சீதை அம்மன் ஆலயம் அமைந்துள்ள நுவரெலியா – பதுளை பிரதான வீதியில் வாகனங்களின் பாவனையும், போக்குவரத்து நெரிசலும் தொடர்ச்சியாக அதிகரித்துக்கொண்டே செல்கிறது அதற்கு ஏற்றால்போல் ஆலயதிக்கு முன் காணப்படும் பாதசாரிகள் கடவையில் விதிமுறைகளை மீறுதலும், வாகன விபத்துக்களின் எண்ணிக்கையும் கூட அதிகரித்துக் கொண்டே செல்லுகிறது குறித்த வீதியில் பயணிக்கும் வாகனங்கள் மட்டும் விபத்துக்குள்ளாவதில்லை, மாறாக நடைபாதையை பயன்படுத்தும் பாதசாரிகளும், பாதசாரி கடவையை முறையாக பயன்படுத்தும் அப்பாவி மக்களும் கூட விபத்தில் சிக்குகிறார்கள், சில சமயங்களில் உயிரிழக்கவும் செய்கிறார்கள். தற்போதைய நிலையில், வீதிகளில் நாம் மட்டும் விதிகளை பின்பற்றி பயணிப்பதால் மாத்திரம் விபத்துக்களை தடுத்துவிட முடியாது என்கிற நிலை உருவாகிவிட்டது. இறுதியாக வெள்ளிக்கிழமை (11) மாலை வரலாற்று சிறப்புமிக்க…

மகளிர் ஆசியக் கிண்ண கிரிக்கெட் தொடரின் இரண்டாவது அரையிறுதிப் போட்டியில், பாகிஸ்தான் அணியை வீழ்த்தி இலங்கை மகளிர் அணி இறுதிப் போட்டிக்குத் தகுதிபெற்றுள்ளது! ​டுபாயில் நடைபெற்ற இப்போட்டியில், நாணய சுழற்சியில் வெற்றிபெற்ற இலங்கை அணி முதலில் களத்தடுப்பைத் தேர்வு செய்தது. ​இதன்படி, முதலில் துடுப்பெடுத்தாடிய பாகிஸ்தான் மகளிர் அணி, நிர்ணயிக்கப்பட்ட 20 ஓவர்கள் நிறைவில் 5 விக்கெட்டுக்களை இழந்து 130 ஓட்டங்களைப் பெற்றது. பாகிஸ்தான் அணி சார்பில், அதிகபட்சமாக அணித் தலைவி பாத்திமா சனா ஆட்டமிழக்காமல் 47 ஓட்டங்களைப் பெற்றுக்கொடுத்தார். பந்துவீச்சில் இலங்கை அணி சார்பாக சமரி அதபத்து மற்றும் சமுதி பிரபோதா ஆகியோர் தலா 2 விக்கெட்டுக்களைக் கைப்பற்றினர். ​131 என்ற வெற்றி இலக்கை நோக்கி பதிலுக்குத் துடுப்பெடுத்தாடிய இலங்கை மகளிர் அணி, 18.4 ஓவர்களிலேயே 6 விக்கெட்டுக்களை இழந்து இலக்கை அடைந்து த்ரில் வெற்றி பெற்றது. இலங்கை அணி சார்பில் ஹர்ஷிதா சமரவிக்ரம 36 ஓட்டங்களையும், கவிஷா தில்ஹாரி…

மக்களால் புறக்கணிக்கப்பட்ட மலையகத் தலைவர்கள் ஊழல்வாதிகளுக்கு ஆதரவாக குரல் கொடுக்கின்றனர். என்கிறார் பிரதி அமைச்சர் பிரதீப் மலையக மக்களால் புறக்கணிக்கப்பட்ட, ஓரங்கட்டப்பட்ட அரசியல் தலைவர்களும் இன்று ஊழல்காரர்களுக்கு ஆதரவாக குரல் கொடுப்பதுடன் நாமலைப் பாதுகாக்க வேண்டும் என குரல் எழுப்புவதன் மூலம் இவர்களுக்கும் கடந்த அரசாங்கத்தின் ஊழல் செயற்பாடுகளில் பங்கு உள்ளது என பெருந்தோட்ட மற்றும் சமூக உட்கட்டமைப்பு வசதிகள் பிரதி அமைச்சர் சுந்தரலிங்கம் பிரதீப் தெரிவித்தார். தோட்டத் தொழிலாளர்களுக்கு 20 ஆண்டுகளுக்கும் மேலாக வழங்கப்படாமல் இருந்த சட்டரீதியான நிலுவைப் பணத்தை வழங்கும் நிகழ்வு நேற்று (10.09.2026) கண்டி மாவட்ட செயலக கேட்போர் கூடத்தில் நடைபெற்றது. அதில் உரையாற்றும் போதே அமைச்சர் மேற்கண்டவாறு தெரிவித்தார். தொடர்ந்து கருத்து தெரிவித்த அமைச்சர், இலங்கை வரலாற்றில் முதல் தடவையாக தொழிலாளர்களின் அரசாங்கத்தை நாம் உருவாக்கியிருக்கிறோம். தேசிய மக்கள் சக்தி அரசாங்கம் என்பது பத்தோடு பதினொன்றாக இருக்கும் அரசாங்கம்…

டித்வா புயலினால் கடுமையாகப் பாதிக்கப்பட்டு இருந்த காக்கைத்தீவு சாவற்கட்டு கடற்றொழிலாளர் சங்கத்தின் இறங்குதுறையைப் புனரமைக்கும் பணிகள், கடற்றொழில், நீரியல் மற்றும் கடல்வளங்கள் அமைச்சர் இராமலிங்கம் சந்திரசேகரால் (10.09.2026) உத்தியோகபூர்வமாக ஆரம்பித்து வைக்கப்பட்டுள்ளன. சாவற்கட்டு கடற்றொழிலாளர்களின் நீண்டகால கோரிக்கைக்கு அமைவாக, அமைச்சரிடம் முன்வைக்கப்பட்ட வேண்டுகோளைத் தொடர்ந்து, கரையோர பாதுகாப்பு மற்றும் கரையோர வள முகாமைத்துவ திணைக்களம் உள்ளிட்ட சம்பந்தப்பட்ட அரச திணைக்களங்களிடமிருந்து உரிய அனுமதிகள் பெறப்பட்டதையடுத்து, கடற்றொழில் அமைச்சினால் முதற்கட்டமாக 2.1 மில்லியன் ரூபாய் நிதி ஒதுக்கப்பட்டுள்ளது. இதனடிப்படையில், இறங்குதுறையில் தேங்கியுள்ள பாசிகளை அகற்றி தூய்மைப்படுத்துதல், மண் நிரப்பி இறங்குதுறையைச் சீரமைத்தல் உள்ளிட்ட பணிகள் முன்னெடுக்கப்படவுள்ளதுடன், கடற்றொழிலாளர்கள் எவ்வித தடையுமின்றி தமது மீன்பிடி நடவடிக்கைகளை மேற்கொள்ளக்கூடிய வகையில் இறங்குதுறை புனரமைக்கப்படவுள்ளது. இறங்குதுறை புனரமைப்புப் பணிகளை ஆரம்பித்து வைக்கும் நிகழ்வில் மாவட்ட அரசாங்க அதிபர் ம. பிரதீபன், பிரதேச செயலாளர், கடற்றொழில், நீரியல் வளங்கள் திணைக்களத்தின் உதவிப் பணிப்பாளர் திரு.…