ஐக்கிய தேசிய கட்சியின் தேசிய பட்டியல் நாடாளுமன்ற உறுப்பினருக்கான பரிந்துரை.

ஐக்கிய தேசியக் கட்சியின் தேசியப்பட்டியல் நாடாளுமன்ற உறுப்புரிமைக்காக, கட்சியின் தலைவர் ரணில் விக்கிரமசிங்க அடுத்த மாதத்தின் முதல் வாரத்தில் நாடாளுமன்றத்தில் பிரதிநிதித்துவப்படுத்தவுள்ளதாக கட்சியின் உள்ளகத் தகவல்கள் தெரிவிக்கின்றன. தேசியப் பட்டியல் நாடாளுமன்ற உறுப்புரிமைக்காக அவரை பெயரிட வேண்டும் என ஐக்கிய தேசியக் கட்சி தீர்மானித்துள்ளது. எனினும், ரணில் விக்ரமசிங்கவின் தீர்மானம் கிடைக்கும் வரையில் அந்த நடவடிக்கை தாமதமடைவதாக தெரிவிக்கப்படுகிறது. கடந்த ஓகஸ்ட் மாதம் இடம்பெற்ற பொதுத்தேர்தலில், பொதுமக்கள் வாக்களிப்பின் மூலம் ஐக்கிய தேசியக் கட்சிக்கு எந்த ஒரு ஆசனமும் கிடைக்கப்பெறவில்லை. எனினும், கிடைக்கப்பெற்ற வாக்குகளின் அடிப்படையில் ஒரே ஒரு தேசியப்பட்டியல் நாடாளுமன்ற உறுப்புரிமை மாத்திரம் ஐக்கிய தேசிய கட்சிக்கு கிடைத்தது. அந்த தேசியப்பட்டியல் நாடாளுமன்ற உறுப்புரிமைக்காக, பலரின் பெயர்கள் முன்னதாக முன்மொழியப்பட்ட நிலையில், அது தொடர்பில் தீர்மானம் மேற்கொள்வதற்காக கட்சியின் செயற்குழு பல தடவைகள் கூடியது. எனினும்,…

மேலும் வாசிக்க

பிரதமர் மற்றும் மஹாசங்கத்தினருக்கு இடையில் அலரி மாளிகையில் சந்திப்பு.

ஜெனீவா மனித உரிமைகள் ஆணைக்குழுவின் கூட்டத்தொடரில் இலங்கைக்கு எதிராக எதிர்வரும் மார்ச் மாதம் முன்வைக்கப்படவுள்ள பிரேரணை குறித்து கலந்துரையாடும் வகையிலான சந்திப்பொன்று மஹாசங்கத்தினருக்கும், பிரதமர் மஹிந்த ராஜபக்ஷவிற்கும் இடையில் அலரி மாளிகையில் நேற்று [10/2] சந்திப்பொன்று இடம்பெற்றுள்ளது. பிரதமர் ஊடகப்பிரிவு விடுத்துள்ள அறிக்கையில் தெரிவிக்கப்பட்டுள்ளது. இலங்கைக்கு எதிராக முன்வைக்கப்படும் தீர்மானங்கள் அடங்கிய அறிக்கை மற்றும் அது தொடர்பாக எதிர்காலத்தில் எடுக்கப்பட வேண்டிய நடவடிக்கைகள் குறித்து மஹா சங்கத்தினரின் ஆலோசனைகளையும் கருத்துக்களையும் பெற்றுக் கொள்ளும் நோக்கில் இந்த சந்திப்பு இடம்பெற்றுள்ளது. கொவிட்-19 தொற்று நிலைமையை வெற்றிகரமாக கட்டுப்படுத்திய உலக நாடுகளுக்கிடையே இலங்கை முன்னணியில் காணப்படுகின்ற நிலையில், நாட்டை இழிவுபடுத்தும் நோக்கில் மிகவும் தவறான கருத்துக்களை உள்ளடக்கி மிக மோசடியான முறையில் மனித உரிமை ஆணைக்குழு அறிக்கை வடிவமைக்கப்பட்டுள்ளதாக வெளிவிவகார அமைச்சர் தினேஷ் குணவர்தன இதன் போது குறிப்பிட்டுள்ளார்.

மேலும் வாசிக்க

சுகாதார அமைச்சின் நிபுணர் குழுவே ஜனாஸாக்களை அடக்கம் செய்வது குறித்து தீர்மானிக்கும் -சுதர்ஷினி பெர்ணாண்டோபுள்ளே

கொவிட் 19 நோயால் மரணிப்பவர்களின் சரீரங்களை அடக்கம் செய்ய அனுமதிப்பதா? இல்லையா? என்பதை, சுகாதார அமைச்சின் நிபுணர்கள் குழுவே தீர்மானிக்கும் என்று, விடயத்துக்குப் பொறுப்பானவரான, ஆரம்ப சுகாதார சேவைகள், தொற்றுநோய்கள் மற்றும் கொவிட் நோய் கட்டுப்பாட்டு அலுவல்கள் இராஜாங்க அமைச்சர் சுதர்ஷினி பெர்ணாண்டோபுள்ளே இன்று நாடாளுமன்றில் தெரிவித்தார். கொவிட் நோயால் மரணிக்கின்றவர்களின் சரீரங்களை அடக்கம் செய்ய அனுமதிக்கப்படும் என்று பிரதமர் மஹிந்த ராஜபக்ஷ நேற்று சபையில் அறிவித்திருந்தார். விடயத்துக்குப் பொறுப்பான இராஜாங்க அமைச்சர் என்ற அடிப்படையில் இது தொடர்பான விளக்கத்தை வழங்குமாறு, நாடளுமன்ற உறுப்பினர் முஜிபுர் ரஹ்மான், இராஜாங்க அமைச்சர் சுதர்ஷினி பெர்ணாண்டோபுள்ளேயிடம் இன்று கோரினார். அதற்கு பதில் வழங்கிய அவர், இந்த விடயத்தில் தீர்மானங்களை எடுக்கும் பொறுப்பு சுகாதார அமைச்சின் நிபுணர்கள் குழுவிடமே இருப்பதாகவும், பிரதமர் நேற்று தெரிவித்த யோசனை, குறித்த நிபுணர்கள் குழுவிற்கு அனுப்பப்பட்டிருப்பதாகவும்,…

மேலும் வாசிக்க

தரமான தயாரிப்புகளை நியாயமான விலையில் வழங்குவதே அரசாங்கத்தின் நோக்கம்-பந்துல குணவர்தன.

மக்களுக்கு நியாயமான முறையில் பொருட்களை வழங்கும் வகையில் 27 அத்தியாவசியப் பொருட்களுக்கு நிலையான விலை நிர்ணயிக்கப்பட்டதோடு குறித்த சதொச களஞ்சியசாலைகளை சோதனையிடும் நடவடிக்கை  அமைச்சர் பந்துல குணவர்தனவினால் மேற்கொள்ளப்பட்டுள்ளது. வெலிசர, பூஸ்ஸ, குருணாகல், வெயாங்கொடை மற்றும் இரத்மலானை உட்பட அநேக பகுதிகளில் அமைந்துள்ள சதொச களஞ்சியசாலைகள் இவ்வாறு விடயத்திற்குப் பொறுப்பான அமைச்சரினால் நேற்றைய தினம் சோதனைக்குட்படுத்தப்பட்டுள்ளது. தரமான தயாரிப்புகளை நுகர்வோருக்கு நியாயமான விலையில் வழங்குவதே அரசாங்கத்தின் நோக்கம் என அமைச்சர் பந்துல குணவர்தன இவ்விஜயத்தின்போது தொிவித்தார்.

மேலும் வாசிக்க

120கோடி நிதி ஒதுக்கீட்டின் கீழ் மிஹிந்து நிவஹன வீடமைப்பு திட்டம்.

பெளத்த சாசனத்தைப் பாதுகாப்பதற்காக தமது குழந்தைகளை சாசனத்திற்கு அர்ப்பணித்த பெற்றோர்களுக்கான வீடுகளை நிர்மாணிக்கும் ” மிஹிந்த நிவஹன” திட்டத்தின் தேசிய ஆரம்ப விழா பிரதமர் மஹிந்த ராஜபக்‌ஷவின் தலைமையின் கீழ் மொனராகலை, சியம்பலாண்டுவ, புத்தம ரஜமகா விகாரையில் ஆரம்பிக்கப்பட்டது. இந்த வீடமைப்பு வஹன் வெஹெர கிராமத்தின் புத்தம கோஷல மற்றும் புத்தம நந்தரத்ன தேரர்களின் பெற்றோர்களான ஷீலாவதி மற்றும் கிரிபண்டா ஆகியோருக்காக நிர்மாணிக்கப்படும் மிஹிந்து நிவஹனவிற்கான அடிக்கல் கிராமிய வீடமைப்பு மற்றும் நிர்மாணத்துறை மற்றும் கட்டிடப் பொருட்கள் தொழில் மேம்பாட்டு இராஜாங்க அமைச்சர் இந்திக அனுருத்த மற்றும் கமத் தொழில் இராஜாங்க அமைச்சர் சஷீந்திர ராஜபக்‌ஷ ஆகியோரால் நாட்டப்பட்டது. வீடமைப்புக்குப் பொறுப்பான அமைச்சர் மற்றும் கெளரவ பிரதமர் மஹிந்த ராஜபக்‌ஷவின் எண்ணக்கருவுக்கமைய, பெளத்த விவகாரம் தொடர்பான அமைச்சு மற்றும் கிராமிய வீடமைப்பு மற்றும் நிர்மாணத்துறை மற்றும் கட்டிடப்…

மேலும் வாசிக்க

பெருந்தோட்ட துரை அமைச்சர் ரமேஷ் பத்திரன நாடாளுமன்றத்தில் வெளியிட்ட கருத்து.

பெருந்தோட்டத் தொழிலாளர்களது உரிமைகளை பாதிக்கும் வகையில் பெருந்தோட்ட நிறுவனங்கள் செயற்பட்டால், அதனை தடுக்கும் வகையிலான பொறிமுறைகளை வகுப்பதற்கு நடவடிக்கை எடுக்கப்படும் என்று அரசாங்கம் தெரிவித்துள்ளது. பெருந்தோட்டத்துறை அமைச்சர் ரமேஸ் பத்திரன இன்று நாடாளுமன்றில் இதனைத் தெரிவித்தார். வேதன நிர்ணய சபையில் பெருந்தோட்டத் தொழிலாளர்களுக்கு 1000 ரூபாய் நாளாந்த வேதனம் வழங்கப்பட வேண்டும் என்று நேற்றைய தினம் தீர்மானிக்கப்பட்டது. எனினும் அதனை ஏற்க முடியாது என்றும், 1000 ரூபாய் வேதனம் சட்டமாக்கப்பட்டால், 13 நாட்களே தொழில் வழங்கப்படும் என்பதோடு கூட்டு ஒப்பந்தம் ரத்து செய்யப்படும் என்றும் பெருந்தோட்ட நிறுவனங்கள் சார்பாக கலந்துக் கொண்டிருந்த ரொசான் ராஜதுரை எச்சரித்திருந்தார். இதுதொடர்பாக இன்று நாடாளுமன்றில் வாய்மூல விடைக்கான கேள்வி நேரத்தில் எழுப்பப்பட்ட கேள்விக்கு பதில் வழங்கிய அமைச்சர் ரமேஸ் பத்திரன, பெருந்தோட்டத்துறை நிறுவனங்களுக்கும் தொழிற்சங்கங்களுக்கும் இடையில் இணக்கப்பாடு ஒன்றுக்கு வரமுடியாத சூழ்நிலையிலேயே,…

மேலும் வாசிக்க

பொத்துவில் முதல் பொலிகண்டி வரையிலான போராட்டதாரிகளுக்கு எதிராக வழக்கு தாக்கல்.

பொத்துவில் முதல் பொலிகண்டி வரையிலான போராட்டத்தில், நீதிமன்ற தடையுத்தரவை மீறி பங்கேற்றிருந்தவர்களுக்கு எதிராக முல்லைத்தீவு நீதவான் நீதிமன்றில் மாவட்ட காவல்துறை நிலையங்களினால் வழங்கப்பட்டுள்ள அறிக்கையின் பிரகாரம் வழக்குகள் தாக்கல் செய்யப்பட்டுள்ளன. இதுதொடர்பான ஆவணங்களை முல்லைத்தீவு காவற்துறையினர், முல்லைத்தீவு நீதவான் நீதிமன்றில் முன்வைத்திருப்பதாக தெரிவிக்கப்பட்டுள்ளது. முல்லைத்தீவினுள் குறித்தப் பேரணி பயணிப்பதற்கு காவற்துறையினர் நீதிமன்றில் தடையுத்தரவைப் பெற்றிருந்த நிலையில், கடந்த 5ம் திகதி அங்கு பேரணி நடைபெற்றிருந்தது. இந்தநிலையில் அதில் கலந்துக் கொண்டிருந்த நாடாளுமன்ற உறுப்பினர்கள் மற்றும் சிவில் சமூக அமைப்புகளின் பிரதிநிதிகள் உள்ளிட்டவர்களின் பெயர் விபரங்கள் அடங்கிய ஆவணம், நீதிமன்றில் முன்வைக்கப்பட்டிருப்பதாக தெரிவிக்கப்படுகிறது. இந்த நிலையில், குறித்த வழக்குகள் மீதான விசாரணையை எதிர்வரும் ஜுன் மாதம் 17 ஆம் திகதிக்கு நீதவான் ஒத்திவைத்துள்ளதாக தெரிவிக்கப்பட்டுள்ளது.

மேலும் வாசிக்க

சிலோன்டீயை சீனாவில் விற்பனை செய்ய நடவடிக்கை.

சிலோன் டீ எனும் பெயரில் உற்பத்தி செய்யப்படும் இலங்கையின் தூய்மையான தேயிலையை, சீனாவில் விற்பனை செய்வதற்கான ஒப்பந்தத்தை சீனாவின் புஜியன் ஸ்டார் சீனா நிறுவனத்துடன் இலங்கை தேயிலை சபை நேற்று [8/2] கைச்சாத்திட்டுள்ளது இந்த ஒப்பந்தத்திற்கு அமைய, இணையதளம் ஊடாகவும், அதற்கு புறம்பாகவும் சிலோன் டீயை சீனாவில் விற்பனை செய்ய நடவடிக்கை மேற்கொள்ளப்பட்டுள்ளது. இந்த ஆண்டில் 4 மில்லியன் கிலோகிராம் தேயிலையை சீனாவுக்கு ஏற்றுமதி செய்ய முடியும் என தேயிலை சபை எதிர்பார்த்துள்ளது.

மேலும் வாசிக்க

காங்கேசன்துறை சீமெந்து தொழிற்சாலையில் உட்பத்தி திட்டத்தை மீள ஆரம்பிக்க அமைச்சரவை அனுமதி.

காங்கேசன்துறை சீமெந்து தொழிற்சாலையில் உற்பத்திக்கான திட்டத்தை ஆரம்பிப்பதற்கு கைத்தொழில் அமைச்சு ஆரம்ப திட்டத்தை தயாரித்துள்ளது. இதுதொடர்பாக கைத்தொழில் அமைச்சர் நேற்று (08/2) நடைபெற்ற அமைச்சரவை கூட்டத்தில் சமர்ப்பித்த பரிந்துரைக்கு அமைச்சரவை அங்கீகாரம் வழங்கியுள்ளது. இதுதொடர்பானக அமைச்சரவை தீர்மானம் வருமாறு: காங்கேசன்துறை சீமெந்து தொழிற்சாலை வளாகத்திலுள்ள பயன்பாட்டுக்கு உதவாத பொருட்களை அகற்றல் காங்கேசன்துறை சீமெந்து தொழிற்சாலை வளாகத்தில் சீமெந்து உற்பத்திக் கருத்திட்டத்தை ஆரம்பிப்பதற்கு கைத்தொழில் அமைச்சு ஆரம்ப திட்டத்தை தயாரித்துள்ளது. அதற்கமைய, குறித்த வளாகத்திலுள்ள பயன்பாட்டுக்கு உதவாத பொருட்களை அகற்றி தொழிற்சாலை வளாகத்தை துப்பரவாக்குவதற்கு அவ்விடத்தில் கண்காணிப்புச் சோதனையை நடாத்தி பரிந்துரைகள் அடங்கிய தரவு அறிக்கையைச் சமர்ப்பிப்பதற்காக ஐவர் அடங்கிய குழுவொன்று நியமிக்கப்பட்டுள்ளது. குறித்த குழுவின் பரிந்துரைகளுக்கமைய, காங்கேசன்துறை சீமெந்து தொழிற்சாலை வளாகத்திலுள்ள பயன்பாட்டுக்கு உதவாத கட்டிடங்கள், வடிவமைப்புக்கள், இயந்திர உபகரணங்கள் மற்றும் இரும்புத்துண்டுகள் மற்றும் வார்ப்புக்கள் போன்றவற்றை…

மேலும் வாசிக்க

ஆசிய உட்கட்டமைப்பு முதலீட்டு வங்கியால் வழங்கப்பவுள்ள நிதியுதவி

கொவிட் -19 தொற்றுநோயால் அதிகம் பாதிக்கப்பட்டுள்ள சுற்றுலா மற்றும் ஆடை போன்ற துறைகளுக்கு நிதியளிக்க ஆசிய உட்கட்டமைப்பு முதலீட்டு வங்கி (AIIB) ஒப்புக் கொண்டுள்ளதாக அரசாங்கம் இன்று தெரிவித்துள்ளது. இந்த திட்டத்தை செயல்படுத்துவதற்கான பொருத்தமான ஒப்பந்தத்தில் நுழைவதற்கான திட்டத்திற்கு அமைச்சரவை நேற்று ஒப்புதல் அளித்துள்ளது. இந்த திட்டத்தின் கீழ் கொவிட் தொற்றால் அதிகளவு பாதிக்கப்பட்டுள்ள சுற்றுலா, ஆடை, கட்டுமானம், வர்த்தகம், உற்பத்தி, விவசாய ஏற்றுமதி மற்றும் சுகாதாரம் போன்ற துறைகளுக்கு நிதியுதவி வழங்கப்படும்.

மேலும் வாசிக்க