பாகிஸ்தான் பிரதமர் இம்ரான் கான் இன்று மாலை இலங்கைக்கு வருகிறார்..

பாகிஸ்தான் பிரதமர் இம்ரான் கான், இரண்டு நாட்கள் உத்தியோகபூர்வ விஜயம் மேற்கொண்டு இன்று மாலை இலங்கைக்கு வருகை தரவுள்ளார். இன்று மாலை நான்கு 15க்கு பாகிஸ்தான் பிரதமர் இலங்கையை வந்தடையவுள்ளதாக அரசாங்கத் தகவல் திணைக்களம் வௌியிட்டுள்ள அறிக்கையில் தெரிவிக்கப்பட்டுள்ளது. பாகிஸ்தான் பிரதமர் மாலை ஆறு மணிக்கு பிரதமர் மஹிந்த ராஜபக்ஸவை சந்திக்கவுள்ளதுடன், அதன் பின்னர் இருவரும் கூட்டறிக்கை வௌியிடவுள்ளனர். பாகிஸ்தான் பிரதமர் நாளை ஜனாதிபதியைச் சந்திப்பதற்கு திட்டமிட்டுள்ளதுடன், அதனையடுத்து வர்த்தகம் மற்றும் முதலீட்டு மாநாட்டில் உரையாற்றவுள்ளார். பாகிஸ்தான் பிரதமருடன், அந்நாட்டின் வௌிவிவகார அமைச்சர் மக்தூம் ஷா மொஹமூட் குரேஷி, வர்த்தகத்துறை தொடர்பான பிரதமரின் ஆலோசகர் அப்துல் ரசாக் டாவூட், வௌிவிவகார செயலாளர் சொஹெய்ல் மொஹமூட் ஆகியோரும், பாகிஸ்தானின் சிரேஷ்ட அதிகாரிகள் சிலரும் வருகை தரவுள்ளனர்.

மேலும் வாசிக்க

உத்தரகாண்ட்டில் தொடரும் 6ஆம் நாள் மீட்பு பணி

இந்தியாவின் உத்தரகாண்ட் பகுதியில் நிகழ்ந்த பனிச்சரிவை தொடர்ந்து ஏற்பட்ட அனர்த்தத்தின் இடிபாடுகளுக்கிடையில் சிக்சியுள்ளவர்களை மீட்கும் நடவடிக்கைகள் தொடர்கின்றன. உத்தரகாண்ட்டின் தப்போவன் பகுதியில் 6 தினங்களுக்கு முன்னர் இடம்பெற்ற பனிப்பாறை வெடிப்பை அடுத்து அங்குள்ள மின்னுற்பத்தி நிலையம் ஒன்றின் சிதைவடைந்த சுரங்கத்தில் பலர் சிக்குண்டுள்ளதாக நம்பப்படுகின்றது. இந்த நிலையில் அவர்களை மீட்பதற்கான நடவடிக்கை ஆறாவது நாளாகவும் தொடர்கின்றது.

மேலும் வாசிக்க

இலங்கையின் 73 ஆவது சுதந்திர தினத்தை முன்னிட்டு இந்திய பிரதமர் நரேந்திர மோடியும் வாழ்த்து ..

இலங்கையின் 73 ஆவது சுதந்திர தினத்தை முன்னிட்டு இந்திய பிரதமர் நரேந்திர மோடியும் வாழ்த்து தெரிவித்துள்ளார். மொழி, மதம், மற்றும் கலாசாரம் ஆகிய பகிரப்பட்ட பாரம்பரியங்களின் அடிப்படையிலான பல்லாயிரம் ஆண்டுகள் பழமை வாய்ந்த உறவுகள் தொடர்பில், பிரதமர் மோடி தமது வாழ்த்து செய்தியில் நினைவு கூர்ந்துள்ளார். எதிர்வரும் ஆண்டுகளிலும் இரு நாடுகளுக்கும் இடையிலான உறவு மேலும் வலுவடைந்து, மக்களின் செழுமை மற்றும் முன்னேற்றத்திற்கு வழிவகுக்க வேண்டும் என இந்திய பிரதமர் வாழ்த்து தெரிவித்துள்ளார்.

மேலும் வாசிக்க

கொரோனா கிருமி தொடா்ந்து உருமாறிக்கொண்டேதான் இருக்கும்..

அதைத் திறம்பட எதிா்கொள்ள கொரோனா மரபணுச் சங்கிலியை கண்டறியவும் பரிசோதனைகளை மேற்கொள்ளவும் அதிக முதலீடுகளை செய்யவேண்டும் என்று அமெரிக்காவின் மருத்துவத் துறை தலைவராக நியமிக்கப்பட இருக்கும் மருத்துவா் விவேக் மூா்த்தி கூறினாா். அமெரிக்காவின் கொரோனா தடுப்பு கொள்கையை வகுப்பதிலும் முக்கிய பங்காற்றி வரும் விவேக் மூா்த்தி, கொரோனா பாதிப்பை கட்டுப்படுத்த எடுக்கப்பட வேண்டிய நடவடிக்கைகள் குறித்து கூறியதாவது: கொரோனா கிருமி தொடா்ந்து உருமாறிக்கொண்டே இருக்கும். அதை எதிா்கொள்ள நாம் தயாராக இருக்க வேண்டும். பாதிப்பு ஏற்படுகின்றபோதுதான் அதன் வகைகளை நாம் அடையாளம் காண முடியும் என்பதால், சிறந்த மரபணு ரீதியிலான கண்காணிப்பை நாம் உறுதிப்படுத்த வேண்டும். மக்கள் முகக் கவசம் அணிவதை தொடா்ந்து கடைப்படிப்பதோடு, ஓரிடத்தில் அதிக எண்ணிக்கையில் கூடுவதைத் தவிா்க்க வேண்டும். கொரோனா கிருமி உருமாறுவதில் ஆச்சரியப்படுவதற்கு ஒன்றிமில்லை. அதுதான் வைரஸின் இயல்பு. பிரிட்டனில் கண்டறியப்பட்ட…

மேலும் வாசிக்க

இந்தியாவில் தடுப்பு மருந்து நிறுவனத்தில் பாரிய தீ விபத்து.

இந்தியாவில் கோவிஷீல்டு கொரானா தடுப்பு மருந்து தயாரித்து வரும் சீரம் நிறுவனத்தில் திடீரென தீ விபத்து சற்று முன் 4.15 மணியளவில் ஏற்பட்டது. ஒக்ஸ்போர்டு பல்கலை மற்றும் அஸ்ட்ராஜெனெகா நிறுவனம் இணைந்து உருவாக்கி உள்ள கொரோனா தடுப்பூசி மருந்தை, இந்தியாவில் கோவிஷீல்டு என்ற பெயரில் மஹாராஷ்டிரா மாநிலம் புனேயில் உள்ள சீரம் நிறுவனம் தயாரித்து வருகிறது. தடுப்பூசி போடும் பணி துவங்கிவிட்டதால் மருந்து தயாரிக்கும் பணிகள் விறுவிறுப்பாக நடைபெற்று வருகின்றன. இந்நிலையில் புனேயில் உள்ள சீரம் Serum Institute நிறுவனத்தில் திடீரென தீ விபத்து ஏற்பட்டது. நிறுவனத்தின் முதலாவது முனையத்தில் தீப்பிடித்துள்ளது. இதனால், நிறுவனத்தில் பணிபுரியும் ஊழியர்கள் அனைவரும் அவசர அவசரமாக வெளியேறியுள்ளனர். தீ விபத்தால், சீரம் அலுவலகத்தில் இருந்து கரும்புகை வெளியேறியது. தீ விபத்து குறித்து தகவல் அறிந்த தீயணைப்புப்படை வீரர்கள் 10 வாகனங்களில் சம்பவ…

மேலும் வாசிக்க

அமெரிக்காவின் 46-வது ஜனாதிபதியாக ஜோ பைடன் பதவியேற்றார்.

ஜனாதிபதி தேர்தலில் வெற்றிபெற்ற ஜோ பைடன், துணை ஜனாதிபதி தேர்தலில் வெற்றிபெற்ற கமலா ஹாரிஸ் ஆகியோர் பதவியேற்கும் விழா அமெரிக்க பாராளுமன்றத்தில் நடைபெற்றது. இந்நிலையில், அமெரிக்காவின் 46-வது ஜனாதிபதியாக ஜோ பைடன் பதவியேற்றுக்கொண்டார் என்பது குறிப்பிடத்தக்கது.

மேலும் வாசிக்க

இந்தியாவில் கொரோனா தடுப்பூசி! ஜனாதிபதி கோட்டாபய ராஜபக்ஸ – பாரத பிரதமர் நரேந்திர மோடிக்கு டுவிட்டரில் வாழ்த்து..

வெற்றிகரமாக முன்னெடுக்கப்பட்டுள்ள கொரோனா தடுப்பூசி வழங்கும் திட்டம் தொடர்பில் ஜனாதிபதி கோட்டாபய ராஜபக்ஸ – பாரத பிரதமர் நரேந்திர மோடிக்கு டுவிட்டரில் வாழ்த்து தெரிவித்துள்ளார். அயல்நாடுகளோடு பெருந்தன்மையுடன் நடந்துகொள்ளும் பாரத பிரதமரின் பண்பு தொடர்பிலும் ஜனாதிபதி வாழ்த்து தெரிவித்துள்ளார். இந்தியாவில் கொரோனா தடுப்பூசி ஏற்றும் செயற்றிட்டம் நேற்று முன்தினம் ஆரம்பிக்கப்பட்டது. முதலாவது நாளிலேயே ஒரு இலட்சத்து 65 ஆயிரம் ​பேருக்கு தடுப்பூசி வழங்கப்பட்டதுடன், இரண்டாவது நாளில் 17 ஆயிரம் பேர் தடுப்பூசியை பெற்றுக்கொண்டனர். இது இந்தியாவின் வரலாற்றிலேயே மிகப்பெரிய தடுப்புமருந்து வழங்கும் செயற்றிட்டமென அந்நாட்டு ஊடகங்கள் தெரிவித்துள்ளன.

மேலும் வாசிக்க

ஏப்ரல் 21 தாக்குதல் தொடர்பில் இலங்கை பிரஜைகள் மூவருக்கு எதிராக பயங்கரவாத குற்றச்சாட்டில் அமெரிக்காவில் வழக்கு தாக்கல்..

ஏப்ரல் 21 தாக்குதல் தொடர்பில் இலங்கை பிரஜைகள் மூவருக்கு எதிராக பயங்கரவாத குற்றச்சாட்டில் அமெரிக்காவில் வழக்கு தாக்கல் செய்யப்பட்டுள்ளது. வௌிநாட்டு பயங்கரவாத அமைப்புடன் இணைந்து தாக்குதலுக்கான சதித் திட்டத்தை தீட்டியமை, அதற்கு தேவையான பொருட்களை வழங்கியமை உள்ளிட்ட பயங்கரவாத குற்றச்சாட்டில் இவர்களுக்கு எதிராக வழக்கு தாக்கல் செய்யப்பட்டுள்ளதாக அமெரிக்க நீதி திணைக்களம் அறிவித்துள்ளது. குற்றஞ்சாட்டப்பட்டுள்ள மூவரும் ISIS அமைப்பின் உறுப்பினர்களாக செயற்பட்டுள்ளதாக அமெரிக்க நீதி திணைக்களம் விடுத்துள்ள அறிக்கையில் குறிப்பிடப்பட்டுள்ளது. இவர்களுடைய குழுவே 2019 ஆம் ஆண்டு ஏப்ரல் 21 ஆம் திகதி இலங்கையில் பயங்கரவாத தாக்குதலை மேற்கொண்டதாவும் அதில் கூறப்பட்டுள்ளது. இந்த தாக்குதலில் 05 அமெரிக்க பிரஜைகள் அடங்கலாக 268 பேர் கொல்லப்பட்டதுடன், 500-க்கும் மேற்பட்டோர் காயமடைந்ததாக அமெரிக்க நீதி திணைக்களம் விடுத்துள்ள அறிக்கையில் சுட்டிக்காட்டப்பட்டுள்ளது. தாக்குதலுடன் தொடர்புடைய குற்றவாளிகளை சட்டத்தின் முன் நிறுத்துவதற்கு இலங்கை…

மேலும் வாசிக்க

மூடப்பட்டிருந்த கட்டார் சவுதி அரேபிய வான், தரை மற்றும் கடல் மார்க்கமான வழிகள் திறப்பு.

நேற்று இரவு முதல் மூடப்பட்டிருந்த கட்டார் சவுதி அரேபிய வான், தரை மற்றும் கடல் மார்க்கமான வழிகள் திறக்கப்பட்டுள்ளன. சுமார் நான்கு ஆண்டுகளுக்குப் பின்னர் இரு நாடுகளுக்கு இடையிலான உறவு மீண்டும் மலர்ந்துள்ளது. மேலும் கத்தார் நாட்டின் அமீர் ஷேக் தமீம் பின் ஹமத் அல்-தானி 05/01/2021 செவ்வாய்க்கிழமை (இன்று) சவூதி அரேபியாவில் நடைபெறும் 41 வது GCC மாநாட்டில் அதிகாரபூர்வமாக கலந்து கொள்ளவுள்ளமை குறிப்பிடத்தக்கது.

மேலும் வாசிக்க

இந்தியாவில் விரைவில் பயன்பாட்டிற்கு வரும் கொவிட் தடுப்பூசி; மோடி பாராட்டு.

இந்தியாவில் சீரம் இன்ஸ்டிடியூட் தயாரித்துள்ள கோவிஷீல்டு மற்றும் பாரத் பயோடெக் நிறுவனம் தயாரித்துள்ள கோவாக்சின் ஆகிய கொரோனா தடுப்பூசிகளுக்கு அனுமதி வழங்கப்பட்டுள்ளது. இந்த மருந்துகளை அவசரகால நோக்கில் பயன்படுத்திக்கொள்ளலாம் என இந்திய மருந்து கட்டுப்பாட்டு அமைப்பு கூறி உள்ளது. இதனையடுத்து இந்த இரண்டு மருந்துகளும் விரைவில் பயன்பாட்டிற்கு வர உள்ளன. இது தொற்றுநோய் தடுப்பு நடவடிக்கையின் முக்கிய மைல்கல் ஆகும். இதுபற்றி பிரதமர் மோடி தனது டுவிட்டர் பக்கத்தில் பதிவிட்டுள்ளார். தடுப்பூசி கண்டுபிடிப்பில் ஈடுபட்ட விஞ்ஞானிகளுக்கு பிரதமர் மோடி வாழ்த்து தெரிவித்துள்ளார். மேலும், கொரோனா இல்லாத நாடாக இந்தியாவை உருவக்குவதில் முக்கிய திருப்புமுனை ஏற்பட்டிருப்பதாகவும் அவர் குறிப்பிட்டுள்ளார். ‘வாழ்த்துக்கள் இந்தியா. கடினமாக உழைத்த விஞ்ஞானிகள் மற்றும் கண்டுபிடிப்பாளர்களுக்கு வாழ்த்துக்கள். அவசரகால பயன்பாட்டிற்கு ஒப்புதல் அளிக்கப்பட்ட தடுப்பூசி இந்தியாவில் கண்டுபிடிக்கப்பட்டது என்பது ஒவ்வொரு இந்தியனுக்கும் பெருமை சேர்க்கும். மேலும்…

மேலும் வாசிக்க