எரிகிறது
***********
மலையகம்
ஒன்றிலும் எரிந்தது
இரண்டிலும் எரிந்தது
இன்று இறுநூறிலும் எரிகிறது
கருகிய வாடையிலே
குறுகிய அரசியலை
புகுத்தியும் வருடங்கள்
இறுநூறு….
தகரம் கருகியது
சட்டி கருகியது
மண்ணும் கருகியது
மனமும் கருகியது…
புத்தக பைகளெல்லாம்
கருப்பாய் மாறியது
அந்த பொம்மை கூட இன்று
புலம்பி திரிகிறது….
அந்தோ பாருங்கள்
அரசியல் வாதியெல்லாம்
வரிசையில் வருகின்றார்
ஆறுதல் சொல்கின்றார்…
போன வருடத்திலும்
எங்கள் வீடு கருகியது
மாலை மாட்டிவிட்ட
சாமி படமும் கருகியது….
போன வருடத்திலும்
ஐயா வந்தாரே
ஆறுதல் சொன்னாரே…
அவர் நாட்டி சென்ற அந்த
அடிக்கல்லும் இன்றோடோ
பத்தாண்டை தாண்டியது
அமைத்த கூடாரமோ
குருவி கூடாய் மாறியது…
லயங்கள் கருகிவிட….
உயிர்கள் பலியாக…
எங்கள் உடைமை பறிபோக….
இறுநூறு வருடமிங்கு
ஏக போகங்களாய்
தினமும் வலம்வருது ….
இறுநூறு வருடத்திலே
இறங்கி கால் பதித்தும்
இந்த இன்னல் தீரலியே…..
இன்னும் எரிகிறதே…..
(என் நெஞ்சம் கொண்ட ஈரம்)
எம், ராமதாஸ்
இறம்பொடை
