மஸ்கெலியா நிருபர்.செ.தி.பெருமாள்.21.07.2023.
கடந்த சில ஆண்டுகளாக நோர்வூட் பொகவந்தலாவ பிரதான வீதி அபிவிருத்தி செய்யப்பட்டு கை விடப்பட்ட நிலையில் இருந்து, தற்போது மீண்டும் வீதி அபிவிருத்தி அதிகாரசபை செப்பனிடும் பணிகளை ஆரம்பித்துள்ளது.
இதனால் சுமார் 7 கிலோமீட்டர் வீதி செப்பனிடும் பணி கடந்த சில நாட்களாக இடம் பெற்று வருகிறது.
கடந்த காலங்களில் இவ் வீதியை அபிவிருத்தி செய்ய தனியார் நிறுவனம் ஒன்று பொறுப்பேற்று வீதியை அபிவிருத்தி செய்யும் பணி இடம் பெற்ற போதும், கொவிட் – 19 காலங்களில் கை விட்டு சென்ற இந்த வீதி, கடந்த சில ஆண்டுகளாக செப்பனிடப்படாமல் பாரிய அளவில் குன்றும் குழியுமாக இருந்ததால் கர்ப்பிணிப் பெண்கள் மற்றும் நோயாளிகள் வாகன சாரதிகள் பெரிதும் பாதிக்கப்பட்டு வருவதாக புகார் தெரிவித்து வந்த வேளையில், வீதி அபிவிருத்தி அதிகாரசபை கடந்த சில நாட்களாக இந்த செப்பனிடும் பணி ஆரம்பித்து வேலைகள் நடந்து கொண்டுள்ளது.
இது குறித்து கொட்டகலை வீதி அபிவிருத்தி அதிகாரசபையின் உயர் அதிகாரியிடம் கேட்ட போது அவர் கூறுகையில் கடந்த சில நாட்களாக மத்திய மலைநாட்டில் மழை பெய்து வருவதால் நோர்வூட் முதல் பொகவந்தலாவ வரை உள்ள வெஞ்சர் முதல் டின்சின் வரை உள்ள வீதிகள் வெகு விரைவில் செய்து முடிக்க முடியும் என்றார்.
