இலங்கை மற்றும் பங்களாதேஷ் அணிகளுக்கு இடையில் கொழும்பு ஆர்.பிரேமதாச மைதானத்தில் இடம்பெற்ற முதலாவது ஒருநாள் போட்டியில் இலங்கை அணி 77 ஓட்டங்களால் வெற்றி பெற்றுள்ளது.
போட்டியில், நாணய சுழற்சியில் வெற்றி பெற்று முதலில் துடுப்பெடுத்தாடிய இலங்கை அணி 49.2 ஓவர்களில் சகல விக்கெட்டுக்களையும் இழந்து 244 ஓட்டங்களை பெற்றுக்கொண்டது.
இலங்கை அணி சார்பாக அணித்தலைவர் சரித் அசலங்க அபார சதத்துடன் 106 ஓட்டங்களையும், குசல் மெண்டிஸ் 45 ஓட்டங்களையும் பெற்றுக்கொடுத்தனர்.
பங்களாதேஷ் அணியின் பந்துவீச்சில் தஸ்கின் அஹமட் 4 விக்கெட்டுக்களையும், ஹசன் ஷகிப் 3 விக்கெட்டுக்களையும் கைப்பற்றினர்.
பின்னர், 245 என்ற வெற்றி இலக்கை நோக்கி களமிறங்கிய பங்களாதேஷ் அணி, 35.5 ஓவர்களில் 167 ஓட்டங்களுக்கு சகல விக்கெட்டுக்களையும் இழந்து தோல்வியடைந்தது.
அவ்வணி சார்பாக அதிகபட்சமாக தன்சிட் ஹசன் 62 ஓட்டங்களையும் ஜாக்கர் அலி 51 ஓட்டங்களையும் பெற்றுக்கொடுத்தனர்.
இலங்கை அணியின் பந்துவீச்சில் வனிந்து ஹசரங்க 4 விக்கெட்டுக்களையும் கமிந்து மெண்டிஸ் 3 விக்கெட்டுக்களையும் கைப்பற்றினர்.
இந்த வெற்றியின் ஊடாக 3 போட்டிகளைக் கொண்ட ஒருநாள் தொடரில் இலங்கை அணி 1-0 என்ற கணக்கில் முன்னிலைப் பெற்றுள்ளது.
