தற்போதைய பண்டிகைக் காலத்தில் பொதுமக்களின் பாதுகாப்பை உறுதி செய்வதற்காக இராணுவத் தலைமையகத்தில் விஷேட நடவடிக்கை அறையை செயல்படுத்த பாதுகாப்பு செயலாளர் உத்தரவிட்டுள்ளார்.
தற்போதைய பண்டிகைக் காலம் முடியும் வரை நடவடிக்கை அறை செயல்படும், அத்துடன் முப்படைகள் மற்றும் பொலிசாரின் நெருக்கமான ஒத்துழைப்பை எளிதாக்குவதற்கான ஒருங்கிணைப்பு மையமாகவும்இது செயல்படும்.
இந்த மேம்படுத்தப்பட்ட ஒருங்கிணைப்பு பொறிமுறையானது, ஏற்படக்கூடிய எந்தவொரு பாதுகாப்பு அல்லது அவசரகால சூழ்நிலைகளுக்கும் விரைவான மற்றும் பயனுள்ள பதிலை உறுதி செய்வதை நோக்கமாகக் கொண்டுள்ளது. உரிய நேரத்தில் உடனுக்குடன் தகவல் பகிர்வை வலுப்படுத்தவும், சரியான நேரத்தில் முடிவெடுப்பதை செயல்படுத்தவும், அனைத்து பாதுகாப்பு தரப்பினரிடையே செயல்பாட்டுத் தயார்நிலையை மேம்படுத்தவும் இது வடிவமைக்கப்பட்டுள்ளது.
இந்த பொறிமுறையின் மூலம், பண்டிகைக் காலம் மக்களின் பாதுகாப்பு, பொது மற்றும் தனியார் சொத்துக்களைப் பாதுகாக்கவும் அதிகாரிகள் தயார் நிலையில் இருப்பார்கள்.
பொதுமக்களுக்கு பாதுகாப்பான சூழலைப் பராமரிப்பதற்கான அதன் உறுதிப்பாட்டை பாதுகாப்பு அமைச்சு மீண்டும் வலியுறுத்துகிறது. குடிமக்கள் பண்டிகைக் காலத்தை அமைதியாகவும், தொந்தரவுகள் இல்லாமல் கொண்டாடவும் இந்த நடவடிக்கை உதவும்.
