இலங்கை ஒலிபரப்புக் கூட்டுத்தாபணத்தின் பிராந்திய சேவையான கந்துரட்ட (கண்டி) வானொலி ஒலிபரப்புச் சேவை, மாணவர் மாணவியர்களுக்கான ஊடகப் பயிற்சி நெறியொன்றைக் கண்டி வானொலி அரங்கில் எதிர்வரும் ஒக்டோபர் 3ஆம் திகதியன்று காலை 9.00 மணிமுதல் பிற்பகல் 3.00 மணி வரை நடத்தவுள்ளது.
9 வயது முதல் 18 வயது வரையான மாணவர் மாணவியர்கள் கலந்துகொள்ளவுள்ள இப்பயிற்சி நெறியில், தொடர்பாடல் திறன், குரல் வளம், இலத்திரனியல் ஊடக மொழிப் பயன்பாடு, நேரலை நிகழ்ச்சி மற்றும் வர்ணனைகள், கலந்துரையாடல்கள், சிறுவர் நாடகம், மைக்ரோபோன் கையாளும் நுட்பங்கள் உள்ளிட்ட அவசியமான துறைகள் தொடர்பாக மாணவர்களின் தொடர்பாடல் திறனூடாக ஆளுமையை மேம்படுத்தும் வகையில் துறைசார் நிபுணர்களால் இப்பயிற்சி நெறி நடத்தப்படவுள்ளது.
அத்துடன், பயிற்சியில் கலந்துகொண்டவர்களுக்குப் பயிற்சியின் இறுதியில் கூட்டுத்தாபளத்தினால் அங்கீகரிக்கப்பட்ட சான்றிதழ்களும் வழங்கப்படவுள்ளன.
ஆர்வமுள்ளவர்கள் கந்துரட்ட வானொலி நிலையத்துடன் தொடர்புகொண்டு தங்களைப் பதிவுசெய்துகொள்ளலாம்.
