நல்லதண்ணியில் இருந்து கொழும்பு நோக்கி செல்லும் இ.போ.ச பேரூந்தில் குறுந்தூர பயணங்களுக்கு டிக்கெட் வழங்குவதில்லையென பயணிகள் விசனம்!

இலங்கை போக்குவரத்து சபைக்கு சொந்தமான நல்லத்தண்ணி நகரத்திலிருந்து அதிகாலை 4.00 மணிக்கு மஸ்கெலியா ஊடாக கொழும்பை நோக்கி செல்லும் பேரூந்தின் நடத்துநர், குறுந்தூர இடங்களுக்கு செல்லும் பயணிகளுக்கு பணத்தை பெற்றுக்கொண்டு டிக்கட் வழங்குவதில்லை என பயணிகள் விசனம் தெரிவித்துள்ளனர்.

டிக்கெட் பரிசோதகர்கள் சோதனை செய்தால் பயணிகள் அசௌகரியங்களுக்கு முகம் கொடுக்க நேரிடும் என கவலை வெளியிட்டுள்ளனர்.

அத்துடன் இது தொடர்ச்சியாக இடம்பெற்று வருவதாகவும் உரிய டிப்போ அதிகாரிகள்  நடவடிக்கை எடுக்க வேண்டும் என பயணிகள் கோரிக்கை விடுத்துள்ளனர்.