பாகிஸ்தானுக்கு எதிரான மூன்றாவது மற்றும் கடைசி இருபதுக்கு-20 போட்டியில் இலங்கை அணி 8 விக்கெட்டுகள் வித்தியாசத்தில் வெற்றி பெற்றுள்ளது.
ராவல்பிண்டியில் நடைபெற்ற இப்போட்டியில் முதலில் துடுப்பெடுத்தாடிய பாகிஸ்தான் அணி, 20 ஓவர்களில் 8 விக்கெட்டுகளை இழந்து 168 ஓட்டங்களைப் பெற்றது.
169 ஓட்டங்கள் என்ற வெற்றி இலக்கை நோக்கி ஆடிய இலங்கை அணி, 17 தசம் ஒரு ஓவர்களிலேயே 2 விக்கெட்டுகளை மட்டுமே இழந்து இலக்கை அடைந்தது.
இலங்கை அணி சார்பில் அதிரடியாக ஆடிய குசல் மெண்டிஸ், ஆட்டமிழக்காமல் 87 ஓட்டங்களைக் குவித்தார். கமிந்து மெண்டிஸ் 40 ஓட்டங்களைப் பெற்றுக் கொடுத்தார்.
இப்போட்டியில் இலங்கை அணி வெற்றி பெற்ற போதிலும், இருபதுக்கு-20 தொடரை இரண்டுக்கு ஒன்று என்ற கணக்கில் பாகிஸ்தான் அணி கைப்பற்றியுள்ளது.
