ஹட்டன் – கொழும்பு பிரதான வீதியின் வட்டவளைப் பகுதியில், இன்று காலை வேளையில் லொறியொன்றும் ஜீப் வண்டியொன்றும் நேருக்கு நேர் மோதி விபத்துக்குள்ளாகியுள்ளன.
இன்று காலை ஆறு முப்பது மணியளவில் இடம்பெற்ற இந்த விபத்தில், லொறியில் பயணித்த ஒருவர் சிறு காயங்களுக்குள்ளாகியுள்ளார்.
கொழும்பிலிருந்து ஹட்டன் நோக்கிப் பயணித்த லொறியும், ஹட்டனிலிருந்து கொழும்பு நோக்கிப் பயணித்த ஜீப் வண்டியுமே இவ்வாறு மோதியுள்ளன.
தனக்கு முன்னால் சென்ற காரொன்றை முந்திச் செல்ல ஜீப் வண்டி முயன்றபோதே, எதிர்த்திசையில் வந்த லொறியுடன் மோதி இந்த விபத்து நேர்ந்துள்ளதாக பொலிஸார் தெரிவித்துள்ளனர்.
சம்பவம் குறித்து வட்டவளை பொலிஸார் மேலதிக விசாரணைகளை முன்னெடுத்து வருகின்றனர்.
