இலங்கையில் பயன்பாட்டிலுள்ள மோட்டார் சைக்கிள்கள் உட்பட அனைத்து வகையான மோட்டார் வாகனங்களையும் கட்டாயமாக பதிவு செய்ய வேண்டும் என மோட்டார் போக்குவரத்து திணைக்கள ஆணையாளர் நாயகம் அறிவித்துள்ளார்.
நாட்டின் பொது வீதிகளில் பயணிக்கும் அனைத்து வாகனங்களுக்கும் பதிவு நடைமுறை அவசியமானது என்றும் அவர் வலியுறுத்தியுள்ளார்.
நாற்பத்து எட்டு திறன் கொண்ட சிறிய மோட்டார் சைக்கிள்களை பதிவு செய்யத் தேவையில்லை என சில விற்பனையாளர்கள் கூறி வருவதாகச் சுட்டிக்காட்டியுள்ள திணைக்களம், அது முற்றிலும் தவறான கூற்று எனக் குறிப்பிட்டுள்ளது.
முறையான பதிவின்றி பொது வீதிகளில் வாகனங்களைச் செலுத்தும் சாரதிகளுக்கு எதிராக பொலிஸாரால் அபராதம் விதிக்கப்படும் என்றும், சட்ட நடவடிக்கை எடுக்கப்படும் என்றும் மோட்டார் போக்குவரத்து திணைக்கள ஆணையாளர் நாயகம் மேலும் தெரிவித்துள்ளார்.
