நுவரெலியா தபால் நிலையத்தை சுற்றுலா தலமாக அபிவிருத்தி செய்வதற்கும், அதே நேரத்தில் தபால் சேவைகளை வழங்குவதற்கும் அரசாங்கம் திட்டமிட்டுள்ளதாக அமைச்சரவைப் பேச்சாளர் அமைச்சர் நளிந்த ஜயதிஸ்ஸ தெரிவித்தார்.
கொழும்பில் நடைபெற்ற அமைச்சரவை ஊடகவியலாளர் சந்திப்பிலே அமைச்சர் இவ்வாறு கருத்து தெரிவித்தார்.
அதேவேளை முன்னாள் ஜனாதிபதி ரணில் விக்ரமசிங்க நுவரெலியா தபால் நிலையத்தை தபால் திணைக்களத்திலிருந்து நீக்கிவிட்டு அதை விற்க முன்னர் திட்டமிட்டிருந்தார் என்று அவர்மேலும் தெரிவித்தார்.
தபால் அலுவலகத்தை தபால் துறையின் கீழ் வைத்திருப்பதற்கும், அந்த இடத்தை சுற்றுலா தலமாக மேம்படுத்துவதற்கும் ஒரு புதிய முடிவு எடுக்கப்பட்டுள்ளதாக அமைச்சர் விளக்கினார்.
“இந்த விவகாரம் தொடர்பாக தற்போது நீதிமன்ற வழக்கு நிலுவையில் உள்ளது, ஆனால் திருத்தப்பட்ட முடிவை அரசாங்கம் நீதிமன்றத்திற்கு தெரிவிக்காது” என்று அவர் தெரிவித்தார்.
இந்தத் திட்டத்திற்காக நகர அபிவிருத்தி ஆணைக்குழு மற்றும் இலங்கை சுற்றுலா அபிவிருத்தி ஆணைக்குழுவிடம் இருந்து தொழில்நுட்ப ஆலோசனை பெறப்படும் என்றும் அமைச்சர் மேலும் தெரிவித்தார்.
