அரசுக்குச் சொந்தமான பெருந்தோட்டக் காணிகளைத் தனியார் நிறுவனங்களுக்கு நீண்டகாலக் குத்தகைக்கு வழங்கும் நடவடிக்கை எதிர்த்து அமைச்சுக்கு முன்பாக கவனயீர்ப்புப் போராட்டமொன்று முன்னெடுக்கப்பட்டது.
மலையக மக்களும் சமூகச் செயற்பாட்டாளர்களும் இணைந்து இப்போராட்டத்தை முன்னெடுத்தனர்.
பல தலைமுறைகளாக உழைத்து வரும் மலையக மக்களின் நில உரிமை மற்றும் வாழ்வாதாரம் சார்ந்த தீர்மானங்களில் அவர்களின் விருப்பம் மதிக்கப்பட வேண்டும் எனப் போராட்டத்தில் ஈடுபட்டவர்கள் கோரிக்கை விடுத்தனர்.
