கம்பளை-கண்டி பிரதான வீதியில் குருதெனிய எனும் பகுதியில் மோட்டார் சைக்கிள் மீது கார் மோதியதில் மோட்டார் சைக்கிள் ஓட்டுநர் உயிரிழந்துள்ளதாகக் பொலிஸார் தெரிவித்தனர்
கம்பளை, கிராஉல்ல பகுதியைச் சேர்ந்த ஐம்பத்தெட்டு வயதுடைய தந்தையான மதுர கீர்த்தி குணசேகர என்பவரே உயிரிழந்துள்ளார்.
தச்சு வேலை, மின் பொறியியல் போன்ற பல்வேறு தொழில்களில் ஈடுபட்டுள்ள அவர், இன்று காலை கெலியோயா பகுதிக்கு கிராம கோவிலுக்கு அன்னதானம் செய்துவிட்டு பின்னர் வேலைக்குச் சென்று கொண்டிருந்தபோதே குறித்த விபத்து ஏற்பட்டுள்ளது.
கொழும்பு தெல்கொட பகுதியிலிருந்து கம்பளை நோக்கி வந்த இந்த கார், வீதியை விட்டு விலகி, சைக்கிள் ஓட்டுநர் மீது மோதி சாலையின் ஓரத்தில் மோதியது.
ஓட்டுநர் தூங்கியதால் விபத்து ஏற்பட்டிருக்கலாம் என்று பொலிஸார் சந்தேகிக்கின்றனர்.
உயிரிழந்தவரின் சடலம் பேராதனை மருத்துவமனையில் வைக்கப்பட்டுள்ளது. தவுலகல பொலிஸார் விசாரணைகளை மேற்கொண்டு வருகின்றனர்.
