இலங்கையில் லிட்ரோ மற்றும் லாஃப்ஸ் எரிவாயு விலைகள் உயர்வு தொடர்பாக நிறுவனங்களின் விளக்கம்

இலங்கையில் லிட்ரோ மற்றும் லாஃப்ஸ் எரிவாயு விலைகள் அதிரடியாக உயர்வு!

கொழும்பு: நாட்டில் நிலவும் தற்போதைய சந்தை நிலவரங்களைக் கருத்தில் கொண்டு, இன்று நள்ளிரவு முதல் நடைமுறைக்கு வரும் வகையில் லிட்ரோ (Litro) மற்றும் லாஃப்ஸ் (Laugfs) நிறுவனங்கள் தமது சமையல் எரிவாயு விலைகளை அதிகரித்துள்ளன.

லிட்ரோ (Litro Gas) எரிவாயு விலை விபரம்:

லிட்ரோ நிறுவனம் வெளியிட்டுள்ள அறிவிப்பின்படி, எரிவாயு கொள்கலன்களின் புதிய விலைகள் பின்வருமாறு:

• 12.5 கிலோ கிராம்: ரூ. 775 அதிகரிக்கப்பட்டு, புதிய விலை ரூ. 4,765.

• 5 கிலோ கிராம்: ரூ. 308 அதிகரிக்கப்பட்டு, புதிய விலை ரூ. 1,910.

• 2.3 கிலோ கிராம்: ரூ. 140 அதிகரிக்கப்பட்டு, புதிய விலை ரூ. 890.

லாஃப்ஸ் (Laugfs Gas) எரிவாயு விலை விபரம்:

அதேபோல், லாஃப்ஸ் கேஸ் பிஎல்சி நிறுவனமும் இன்று (05) நள்ளிரவு முதல் அமுலாகும் வகையில் விலைத் திருத்தத்தை மேற்கொண்டுள்ளது. கொழும்பு மாவட்டத்திற்கான புதிய விலைகள்:

• 12.5 கிலோ கிராம்: ரூ. 1,070 அதிகரிக்கப்பட்டு, புதிய விலை ரூ. 5,700.

• 5 கிலோ கிராம்: ரூ. 418 அதிகரிக்கப்பட்டு, புதிய விலை ரூ. 2,280.

உள்நாட்டு செலவினங்களைக் கட்டுப்படுத்தும் முயற்சிகளுக்கு மத்தியிலேயே இந்த விலை உயர்வு அமுல்படுத்தப்பட்டுள்ளதாக லாஃப்ஸ் நிறுவனம் தெரிவித்துள்ளது. மேலும், உலகளாவிய சந்தைப் போக்குகளைத் தாம் தொடர்ந்து அவதானித்து வருவதாகவும், சந்தையில் ஏற்படும் சாதகமான மாற்றங்களின் பலனை நுகர்வோருக்கு வழங்க நடவடிக்கை எடுக்கப்படும் என்றும் அந்நிறுவனம் உறுதியளித்துள்ளது.