பொலன்னறுவை சிறுநீரக மருத்துவமனையில் இன்று இடம்பெற்ற வாயு சிலிண்டர் வெடிப்புச் சம்பவத்தில் 7 பேர் காயமடைந்துள்ளதுடன், மருத்துவமனை கட்டிடமும் பலத்த சேதமடைந்துள்ளது.
மருத்துவமனையின் சமையலறையில் இருந்த எரிவாயு சிலின்டர் ஒன்று திடீரென வெடித்ததே இந்த விபத்துக்குக் காரணம் என பொலிஸார் தெரிவித்துள்ளனர்.
இந்த விபத்தில் காயமடைந்த 7 பேரும் அந்த மருத்துவமனையில் பணியாற்றும் ஊழியர்கள் என்பதுடன், அவர்கள் மேலதிக சிகிச்சைக்காக பொலன்னறுவை போதனா மருத்துவமனையில் அனுமதிக்கப்பட்டுள்ளனர்.
சம்பவம் தொடர்பில் பொலன்னறுவை பொலிஸார் மேலதிக விசாரணைகளை மேற்கொண்டு வருகின்றனர்.
