வேர்ல்ட் விஷன் நிறுவனத்தின் பொகவந்தலாவ பிராந்திய அனுசரணைத் திட்டப் பிள்ளைகளுக்கான ‘Birthday Bounce Back’ பிறந்தநாள் கொண்டாட்டமும், பசி மற்றும் மந்தபோஷணையை தடுப்பதற்கான ‘ENOUGH’ விழிப்புணர்வுப் பிரச்சாரமும் அண்மையில் பொகவந்தலாவ சென். மேரீஸ் மத்திய கல்லூரியில் வெற்றிகரமாக இடம்பெற்றன.
வேர்ல்ட் விஷன் பிராந்திய முகாமையாளர் திருஷாந்த ருவான் தலைமையில் நடைபெற்ற இந்நிகழ்வு, பொகவந்தலாவ நகரில் இடம்பெற்ற விழிப்புணர்வு நடைபவணியுடன் ஆரம்பமானது.
நிகழ்வின் போது சிறுவர்களுக்கான கேக் வெட்டும் நிகழ்வு, சித்திரப் போட்டிக்கான சான்றிதழ் மற்றும் கேடயம் வழங்கும் நிகழ்வுகள் இடம்பெற்றன. மேலும், உள்ளக விளையாட்டுக்கள் மற்றும் போஷணை தொடர்பான கண்காட்சியும் சிறப்பாக அமைக்கப்பட்டிருந்தது. சுமார் இரண்டாயிரத்திற்கும் மேற்பட்ட சிறுவர்களும் பொதுமக்களும் கலந்துகொண்ட இந்நிகழ்வில், கல்வித்துறை அதிகாரிகள், பாடசாலை அதிபர்கள் மற்றும் அரச உத்தியோகத்தர்கள் பலரும் பங்கேற்றிருந்தமை குறிப்பிடத்தக்கது.
