நோர்வுட் பிரதேச செயலகத்தில் இடம்பெற்ற அஸ்வெசும நலன்புரி நிதி மோசடி தொடர்பில், அங்கு கடமையாற்றும் 14 ஊழியர்கள் தானாக முன்வந்து குற்றத்தை ஒப்புக்கொண்டுள்ளனர்.
இது குறித்து மேலதிக விசாரணைகளை நடத்துமாறு பொது நிர்வாக அமைச்சுக்கு எழுத்து மூலம் அறிவிக்கப்பட்டுள்ளதாக நுவரெலியா மாவட்டச் செயலாளர் துஷாரி தென்னகோன் தெரிவித்துள்ளார்.
சுமார் 6 கோடி ரூபாய் வரை இடம்பெற்றுள்ளதாகக் கருதப்படும் இந்த நிதி மோசடி தொடர்பில், தற்போது குற்றப் புலனாய்வுத் திணைக்களம் (CID) தீவிர விசாரணைகளை முன்னெடுத்து வருகிறது.
கணக்காய்வுப் பிரிவினர் விசாரணைகளை நடத்தி வந்த நிலையிலேயே, அபிவிருத்தி மற்றும் சமூர்த்தி அதிகாரிகள் உட்பட 14 ஊழியர்கள் 2023 ஆம் ஆண்டு முதல் இந்த நிதியை மோசடியாகப் பெற்று வந்ததை ஒப்புக்கொண்டுள்ளனர்.
இதேவேளை, இச்சம்பவத்துடன் தொடர்புடைய அஸ்வெசும பிரிவின் இரு பிரதான அதிகாரிகள் விளக்கமறியலில் வைக்கப்பட்டுள்ளனர்.
மேலும், மோசடிப் பணம் கணக்குகளில் வைப்பிலிடப்பட்ட குற்றச்சாட்டின் கீழ், மாவட்ட இளைஞர் சேவை அதிகாரி ஒருவர் மற்றும் ஹட்டன் வலயத்தைச் சேர்ந்த 6 ஆசிரியர்களின் பணிகள் இடைநிறுத்தப்பட்டு விசாரணைகள் இடம்பெற்று வருகின்றன.
Sourc Derana தமிழ்
