கிரிக்கெட் வரலாற்றில் 500 ஒருநாள் போட்டிகளில் வெற்றி பெற்ற மூன்றாவது அணி என்ற பெருமையை பாகிஸ்தான் பெற்றுள்ளது.
நியூசிலாந்துக்கு எதிரான 5 போட்டிகள் கொண்ட ஒருநாள் தொடரின் தொடக்க ஆட்டத்தில் பாகிஸ்தான் ஐந்து விக்கெட் வித்தியாசத்தில் வெற்றி பெற்று, இந்த பெருமையை பெற்றுள்ளது.
அவுஸ்திரேலிய மற்றும் இந்திய அணிகளுக்கு பின்னர் சர்வதேச ஒருநாள் போட்டிகளில் 500 வெற்றிகளை பதிவுசெய்த மூன்றாவது அணியாக தற்சமயம் பாகிஸ்தான் உள்ளது.
தனது 949 ஆவது ஒருநாள் போட்டியில் பாகிஸ்தான் இந்த மைல்கல்லை எட்டியுள்ளது.
குறித்த தரவரிசையில் அவுஸ்திரேலியா 594 வெற்றிகளுடன் முதலிடத்திலும், இந்தியா 539 வெற்றிகளுடன் இரண்டாம் இடத்திலும் உள்ளன.
1973 பெப்ரவரியில் பாகிஸ்தான் ஒருநாள் போட்டியில் அறிமுகமானாலும், 1974 ஆம் ஆண்டில் நாட்டிங்ஹாமில் இங்கிலாந்துக்கு எதிரான போட்டியில் முதல் ஒருநாள் வெற்றியை பதிவுசெய்தமையும் குறிப்பிடத்தக்கது.
