பசறை நிருபர். 18.12.2024
மனுகுலம் மீட்கவந்த ஜேசு பிரானின் பிறப்பின் சிறப்பை அறிவிக்கும் கிறிஸ்மஸ் பண்டிகையை சிறப்பிக்கும் முகமாக பசறை பங்கு, புனித யூதாததேயு திருத்தலத்தின் ஒளிவிழா பசறை நூலக கேட்போர் கூடத்தில் நேற்று முன்தினம் இடம்பெற்றது.
இந்நிகழ்வில், பிரதம அதிதியாக லுனுங்கலை பங்கின் உதவி பங்குத்தந்தை (புனித லூர்து அன்னை ஆலயம்) அருட்பணி ஸ்டீபன் கலந்து கொண்டதோடு கௌரவ அதிதிகளாக
பசறை பங்கின் பங்குத்தந்தை அருட்பணி ஜேசுப்பாலன் உள்ளிட்ட அருட்சகோதர சகோதரிகளும்,
பசறை ஜும்மா பள்ளிவாசல் இமாம் நிஹாப் ,
பதுளை போதனா வைத்தியசாலையின் வைத்தியரான வைத்தியர் கிரிஷான் வேதநாயகம் ,
பசறை வலையக்கல்வி பணிப்பாளர் . ஜனாபா சரினா பேகம் ,
பசறை தமிழ் தேசிய கல்லூரியின் அதிபர் கே.எம்.சி.பிரபாகரன் , மீ ரியபெத்த கிராம சேவகர் பிரிவின் கிராம சேவகரும் கலந்து கொண்டனர். நிகழ்வில் இயேசுவின் பிறப்பை வரவேற்கும் நிகழ்வுகளும்
கலைநிகழ்ச்சிகளும் மேடையேற்றப்பட்டதோடு விருந்தினர்களுக்கு நினைவுச் சின்னங்களும் வழங்கப்பட்டன.
