பொகவந்தலாவ கெம்பியன் பாடசாலையில் இவ்வருடம் (2026) உயர்தரப் பரீட்சை எழுதிய மாணவர்கள், பாடசாலையின் எதிர்கால வளர்ச்சிக்குச் சிறந்த உந்து சக்தியாகத் திகழ்ந்துள்ளனர்.
பரீட்சை முடிந்த கையோடு சும்மா இராமல், தாங்கள் கற்ற கல்வி நிலையத்திற்கு நன்றிக்கடன் செலுத்தும் நோக்கில் மாணவர்கள் தாமாக முன்வந்து பாடசாலையில் சிரமதானப் பணிகளை மேற்கொண்டுள்ளனர். மாணவர்களின் இத்தகைய நற்செயற்பாடுகள், எதிர்காலத்தில் பாடசாலைக்கு வரவிருக்கும் ஏனைய மாணவர்களுக்கும் ஒரு சிறந்த முன்னுதாரணமாக அமையும் என்பதில் எவ்வித ஐயமுமில்லை.
படிப்பை முடித்துவிட்டுச் செல்லும்போதும் தாம் கற்ற பாடசாலையின் மீது பற்றுடனும் நன்றியுணர்வுடனும் செயற்பட்ட இம்மா மாணவர்களின் இந்த முன்மாதிரியான செயற்பாட்டை, கெம்பியன் பாடசாலையின் முழு சமூகமும் மனதார வாழ்த்திப் பாராட்டுகிறது.
ஆசிரியர் ச. ஸ்ரீதரன்.
