“திடமான உள்ளங்கள் – வளமான சிறுவர்கள்” தொனிப்பொருளில் நாடு தழுவிய ரீதியில் விசேட நிகழ்வுகள்
சர்வதேச சிறுவர் தினத்தை முன்னிட்டு, மகளிர் மற்றும் சிறுவர் விவகார அமைச்சினால் சர்வதேச சிறுவர் தின தேசிய வாரம் பிரகடனப்படுத்தப்பட்டுள்ளது.
“திடமான உள்ளங்கள் – வளமான சிறுவர்கள்” எனும் தொனிப்பொருளின் கீழ், செப்டம்பர் 25-ஆம் திகதி முதல் ஒக்டோபர் முதலாம் திகதி வரை இத்தேசிய வாரம் அனுஷ்டிக்கப்படவுள்ளது.
பாடசாலை மாணவர்கள், அரச பாதுகாப்பிலுள்ள சிறுவர்கள், ஆசிரியர்கள் மற்றும் பெற்றோர்களை இலக்காகக் கொண்டு, நாடு தழுவிய ரீதியில் விசேட திட்டங்கள் ஏற்பாடு செய்யப்பட்டுள்ளன.
இதன் பிரதான தேசியக் கொண்டாட்ட நிகழ்வு, பிரதமர் கலாநிதி ஹரிணி அமரசூரிய தலைமையில், மகளிர் மற்றும் சிறுவர் விவகார அமைச்சர் சரோஜா சாவித்ரி போல்ராஜ் மற்றும் பிரதி அமைச்சர் கலாநிதி நாமல் சுதர்ஷண ஆகியோரின் பங்கேற்புடன், ஒக்டோபர் முதலாம் திகதி மாட்டேகொட ஸ்ரீ ஜெயவர்தனபுர பல்கலைக்கழக பொறியியல் பீட கேட்போர் கூடத்தில் நடைபெறவுள்ளது.
