நாட்டில் தற்போது நிலவிவரும் மழை உடனான சீரற்ற வானிலை காரணமாக பாடசாலைகளை நடத்துவதா இல்லையா என்பது குறித்த தீர்மானத்தை எடுக்கும் முழு அதிகாரமும் மாகாணக் கல்விப் பணிப்பாளர்கள் மற்றும் செயலாளர்களுக்கு வழங்கப்பட்டுள்ளதாகக் கல்வி அமைச்சு தெரிவித்துள்ளது.
இது தொடர்பில் பின்பற்ற வேண்டிய அவசியமான வழிகாட்டுதல்களையும் அறிவுறுத்தல்களையும் கல்வி அமைச்சு, மாகாண அதிகாரிகளுக்கு ஏற்கனவே வழங்கியுள்ளது.
இதனிடையே, நிலவும் சீரற்ற வானிலையை கருத்திற்கொண்டு மத்திய மாகாணத்தின் கண்டி மற்றும் நுவரெலியா மாவட்டங்களின் சில கல்வி வலயங்களுக்கு உட்பட்ட 26 பாடசாலைகளின் கற்றல் நடவடிக்கைகள் இடைநிறுத்தப்பட்டுள்ளதாக மத்திய மாகாண ஆளுநர் ஹர்ஷ சுரங்க பெர்னாண்டோ தெரிவித்துள்ளார்.
