சஜித் பிரேமதாச இடைநடுவில் நிறுத்தி வைத்த வீடமைப்புத் திட்டங்களின் வேலைகளைப் பூரணப்படுத்துவதற்கு அமைச்சரவையின் அங்கீகாரம் கிடைத்துள்ளது.
2015-2019 காலப்பகுதியில், எதிர்கட்சித் தலைவர் திரு.சஜித் பிரேமதாச வீடமைப்பு அமைச்சராக இருந்தபோது, தேசிய வீடமைப்பு அபிவிருத்தி அதிகாரசபையானது செமட்ட செவன வீடமைப்புத் திட்டத்தின் கீழ் குறைந்த வருமானம் பெறும் சமூகத்தை இலக்காகக் கொண்டு 07 வேலைத்திட்டங்களை ஆரம்பித்திருந்தது.
இந்த 7 திட்டங்களாவன விசிறி கடன் (உதவி) வேலைத் திட்டம், கிராம சக்தி விசிறி உதவி கடன் திட்டம், விசிறி கடன் வேலைத்திட்டம், விரு சுமித்துறு, சிறுநீரக உதவி, வெள்ளத்தால் பாதிக்கப்பட்ட வடக்கில் வீடுகள் கட்டுதல் ஆகியனவாகும்.
சஜித் பிரேமதாச வீடமைப்பு அமைச்சராக இருந்த போது, நிர்மாணப்பணிகளை ஆரம்பித்த வீட்டு அலகுகளின் எண்ணிக்கை 387,520 ஆகும். ஒரு உதாகம்மான திட்டத்திற்கு ஒதுக்கப்பட்ட தொகை பல உதாகம்மானங்களுக்கு பகுதிகளாக ஒதுக்கப்பட்டதாலும், திட்டங்களுக்கு ஒதுக்கப்பட்ட நிதியில் 79.97% மட்டுமே பெறப்பட்டதாலும் 229,580 வீட்டு அலகுகள் கட்டும் பணி பாதியில் நிறுத்தப்பட்டுள்ளது. இவற்றில் 184,463 வீடுகள் அப்போது பொறுப்பேற்ற அமைச்சராக இருந்த தற்போதைய எதிர்க்கட்சித் தலைவரின் நேரடி அறிவுறுத்தலின் பேரில் வழங்கப்பட்டன, அவை நிர்ணயிக்கப்பட்ட ஒதுக்கீட்டிற்கு அப்பால் முறைசாரா முறையில் வழங்கப்பட்டன. தேசிய வீடமைப்பு அபிவிருத்தி அதிகார சபை இந்த வீடுகளின் எதிர்கால கடன் தவணைகளை செலுத்துவதை நிறுத்துவதற்கு ஏற்கனவே நடவடிக்கை எடுத்துள்ளது. திரு.சஜித் பிரேமதாச, தான் அமைச்சராக இருந்த காலத்தில் பல வீடமைப்புக் கிராமங்களை நிர்மாணித்ததாகக் காட்டும் நோக்கில் இதனைச் செய்துள்ளதாக அதிகார சபை மேலும் தெரிவிக்கிறது.
சஜித் பிரேமதாசவினால் வேலைகள் ஆரம்பிக்கப்பட்டு முடிக்கப்படாத 45,117 வீட்டுத் தொகுதிகளை இனங்கண்டு அவைகளில் பணிகள் ஆரம்பிக்கப்பட்டு பணிகள் நிறைவு பெறாத வீடுகள் பூர்த்தி செய்யப்படும் என எதிர்பார்க்கப்படுகிறது. அந்த வீடுகளின் பணிகளை முடிக்க தேவையான தொகை ரூ.15,244.58 மில்லியன் ஆகும். நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்க வீடமைப்புத் திட்டங்களை நிறைவு செய்வதற்காக இந்த ஒதுக்கீட்டுப் பணத்தைப் பெறுவதற்கு அனுமதி கோரி உரிய அமைச்சரவைப் பத்திரத்தை சமர்ப்பித்துள்ளார். இதன்படி, பல கட்டங்களாக வீட்டுத்திட்டங்களை நிர்மாணித்து பூர்த்தி செய்வதற்கு அமைச்சரவை அங்கீகாரம் வழங்கியுள்ளது.
2025 ஆம் ஆண்டுக்கான வரவு செலவுத் திட்ட மதிப்பீட்டின் ஊடாக இந்த ஏற்பாடுகளை முன்பதிவு செய்வதற்கு தேவையான ஏற்பாடுகளை செய்வதற்கு அமைச்சரவை அறிவுறுத்தல் வழங்கியுள்ளது.
அதன்படி, இடைநடுவில் நிறுத்தி வைத்த வீடமைப்புத் திட்டங்களின் மாதிரி கிராம திட்டத்தின் கீழ் 28,537 வீடுகளும், விசிறி கடன் திட்டத்தின் கீழ் 7,063 வீடுகளும், விசிறி கடன் உதவித் திட்டத்தின் கீழ் 1,036 வீடுகளும், கிராம சக்தி திட்டத்தின் கீழ் 1,318 வீடுகளும், விரு சுமித்துரு உதவித் திட்டத்தின் கீழ் 53 வீடுகளும், 53 வீடுகள், சிறுநீரக உதவித் திட்டத்தின் கீழ் 1416 வீடுகளும், வெள்ள உதவித் திட்டத்தின் கீழ் 4,630 வீடுகளுமாக மொத்தம் 44,053 வீடுகள் கட்டி முடிக்கப்பட உள்ளன.
முனீரா அபக்கர்
2024.06.30
