நாட்டில் சில நாட்களாக பெய்து வரும் கடும் மழை காரணமாக நுவரெலியா நகர மையப்பகுதி மற்றும் அதனை சுற்றியுள்ள பல பகுதிகள் வெள்ளத்தில் மூழ்கியுள்ளன.
நுவரெலியா விக்டோரியா பூங்கா, நுவரெலியா ரேஸ்கோர்ஸ் குடியிருப்பு பகுதி முற்றாக நீரில் மூழ்கியுள்ளதுடன், நுவரெலியா இராகலை பிரதான வீதியும் வாகனங்கள் செல்ல முடியாத வகையில் நீரில் மூழ்கியுள்ளது.
சீரற்ற காலநிலையினால் மண்சரிவு, மரம் முறிவு உள்ளிட்ட பல அனர்த்தங்கள் ஏற்படும் அபாயம் உள்ளதால் பொதுமக்கள் மிகுந்த அவதானத்துடன் செயற்படுமாறு
மேலும், சீரற்ற காலநிலையை கருத்தில் கொண்டு, நுவரெலியா மற்றும் அதனை சுற்றியுள்ள பகுதிகளில் வாகனங்களை செலுத்தும் போது மிகுந்த அவதானத்துடன் செயற்படுமாறும் அதேவேளை இக்காலக் கட்டத்தில் உயர்தர பரீட்சைகள் நடைபெறுவதால் பரீட்சைக்கு தோற்ற உள்ள மாணவ மாணவிகள் மிகவும் அவதானத்துடன் போக்குவரத்து நடவடிக்கையில் ஈடுபடுமாறும் கோரிக்கை விடுக்கப்பட்டுள்ளது.
அத்தோடு வெள்ள நீர் காரணமாக நுவரெலியா கந்தப்பலை உடப்புசல்லாவை பிரதான வீதி தற்காலிகமாக தற்காலிகமாக மூடப்பட்டுள்ளதாகவும் தெரிவிக்கப்பட்டுள்ளது என நுவரெலியா மாவட்ட செயலாளர் நந்தன கலபட மற்றும் அனர்த்த முகாமைத்துவ பிரிவு பொதுமக்களிடம் கோரிக்கை விடுத்துள்ளது.
