(க.கிஷாந்தன்)
இன்று காலை 11:30 மணியளவில் கண்டியிலிருந்து பதுளைக்கு பொருட்களை ஏற்றிச் சென்ற சரக்கு ரயில் ஓஹியா ரயில் நிலையம் அருகே தடம் புரண்டதால் மலையக ரயில் மார்க்கத்திலான சேவைகளில் பாதிப்பு ஏற்பட்டுள்ளது.
ரயிலின் ஒரு சரக்கு பெட்டி தடம் புரண்டதால், கொழும்பு – கோட்டை – பதுளை இடையிலான பயணிகள் ரயில்கள் பாதிக்கப்படாமல், மாற்று நடவடிக்கைகள் எடுக்கப்பட்டுள்ளது.
ரயில்வே அதிகாரிகள், பாதிக்கப்பட்ட பகுதியில் உடனடியாக செயல்பட்டு, ரயில் பாதை சரி செய்யும் வரை பயணிகள் மற்றும் சரக்கு ரயில்களின் பாதுகாப்பையும் செயல்திறனையும் உறுதி செய்ய நடவடிக்கை எடுத்துள்ளனர்.
