அஸ்வசும நலன்புரி திட்டத்தின் கீழ், அக்டோபர் மாதத்திற்கான முதியோர் கொடுப்பனவுகள் இன்று முதல் பயனாளிகளின் வங்கிக் கணக்குகளில் வைப்புச் செய்யப்படுகின்றன.
இதன்படி, முதலாம் மற்றும் இரண்டாம் கட்டங்களின் கீழ் எழுபது வயதுக்கு மேற்பட்ட ஆறு லட்சத்து தொண்ணூற்றைந்தாயிரத்து எண்ணூற்று எண்பத்திரண்டு (6,95,882) முதியோர்களுக்கு இக்கொடுப்பனவு வழங்கப்படவுள்ளது.
இதற்காக, நலன்புரி நன்மைகள் சபையினால் முந்நூற்று நாற்பத்தேழு கோடி ரூபாய்க்கும் அதிகமான நிதி ஒதுக்கப்பட்டுள்ளது.
பயனாளிகள் இன்று முதல் தமது அஸ்வசும வங்கிக் கணக்குகள் ஊடாகப் பணத்தைப் பெற்றுக் கொள்ள முடியும் என அறிவிக்கப்பட்டுள்ளது.
