“மாயாவே மா” தமிழ் மற்றும் சிங்கள மொழியிடன் இனைந்து வெளியிடப்பட்ட ஒரு காதல் காவியம்.
நம் நாட்டு கலைஞர் சஞ்ஜய் யோ ( sanjai yo) வின் 7வது பாடலாகும். மலேசியாவில் வசிக்கும் இவர் நம் நாட்டு கலைஞர்களில் பன்முக கலைஞராக மிளிர்கின்றார்.இந்த பாடலை இவரின் வரிகளில் இவரே பாடியுள்ளார். இவருடன் சேர்ந்து சிங்கள மொழியில் இந்திரஜித் அவரின் வரிகளிலே பாடியுள்ளார். இந்ந பாடலை இயற்றியவரும் இந்திரஜித்தே ஆவார்.பாடலுக்கான இசையை பிரபல இசையமைப்பாளர் அசிர பெர்ணாண்டோ தந்துள்ளார்.
இந்த பாடலுக்கான காணொளியை தயாரிக்க சஞ்ஜய் யோ இலங்கை வந்தார் என்பதும் குறிப்பிடத்தக்து.
இயற்கை எழில் கொஞ்சும் தான் வளர்ந்த சொந்த இடமான கண்டி, கலஹா பிரதேசத்தின் அழகை உலகறிய செய்யும் விதமாக இங்கேயே படப்பிடிப்பை நடத்தியுள்ளார்.
இதுவரை காலமும் மலேசிய நடிகர்கள், நடிகைகளை மட்டும் தனது பாடல்களில் நடிக்க வைத்த சஞ்ஜய் யோ முதன் முதலில் இலங்கை கலைஞர்களை நடிக்க வைத்தது சிறப்பம்சமாகும்.
“மாயாவே மா” வின் கதாநாயகி த.ஸ்ரீவருணி புதுமுக கதாநாயகியாக அறிமுகம் ஆகிறார். மற்றும் உஷா, ஷங்கரி, தயா அத்தநாயக்க, நிமலா அத்தநாயக்க உடன் சஞ்ஜய் யோ வும் நாயகனாக நடித்துள்ளார்.
ஒளிப்பதிவாளராக சரோன் ஜோ ,ஒப்பனை அகல் சகி ஆகியோர் பணியாற்றி உள்ளனர். தேசிய விருது வென்ற சுவரொட்டி வடிவமைப்பாளார் வீ.எம் திலோஜன் மீண்டும் சஞ்ஜய் யோ வின் படைப்பில் கை கோர்க்கின்றார்.
இந்த காணொளியின் கதை மற்றும் திரைக்கதையை சஞ்ஜய் யோ எழுதியது மட்டுமல்லாது அவரே இயக்கியுள்ளார் என்பது குறிப்பிடத்தக்கது. உதவி இயக்குனராக நம் நாட்டின் வளரந்து வரும் இயக்குனர் ரா. சுஜிதரன் பணியாற்றி உள்ளார்.
தமிழ் சிங்கள பிரிவினைவாதங்களை உடைக்கும் வகையில் எத்தனையோ காதல்களை நாம் செவி வழியாக கேட்டுள்ளோம். “மாயாவே மா” உங்களை வந்து சேர்ந்துள்ளது நம் கண்களுக்கு விருந்தளிக்க; நம் மண்ணின் மைந்தர்களின் படைப்பை ஆதரிப்போம்.
