நாட்டில் நிலவும் சீரற்ற வானிலை காரணமாக 15 மாவட்டங்களைச் சேர்ந்த சுமார் 3,500 பேர் பாதிக்கப்பட்டுள்ளதாக இடர் முகாமைத்துவ மத்திய நிலையம் தெரிவித்துள்ளது.

​மழை மற்றும் வெள்ளப் பெருக்கு காரணமாக இதுவரை மூவர் உயிரிழந்துள்ளதுடன், 440க்கும் மேற்பட்ட வீடுகள் பகுதி அளவில் சேதமடைந்துள்ளன.

​இதனிடையே, நிலச்சரிவு அபாயம் காரணமாக கண்டி, கேகாலை, நுவரெலியா மற்றும் இரத்தினபுரி மாவட்டங்களின் பல பகுதிகளுக்கு விடுக்கப்பட்ட எச்சரிக்கை தொடர்கிறது.

​தொடருந்து பாதைகளில் ஏற்பட்ட தடங்கல் காரணமாக, ரம்புக்கனையில் இருந்து நானுஓயா வரையிலும், கண்டியில் இருந்து மாத்தளை வரையிலும் தொடருந்து சேவைகள் இடைநிறுத்தப்பட்டுள்ளன.

​அதேவேளை, நாட்டின் 11 மாவட்டங்களில் நிலவும் வறட்சியான காலநிலை காரணமாக ஒரு லட்சத்து 65 ஆயிரத்திற்கும் அதிகமானோர் குடிநீர் தட்டப்பாட்டை எதிர்கொண்டுள்ளதாக இடர் முகாமைத்துவ மத்திய நிலையம்  மேலும் தெரிவித்துள்ளது.