ஶ்ரீலங்கா பொதுஜன பெரமுனவை ஜனாதிபதி ரணில் விக்கிரமசிங்கவை ஆதரிப்பவர்களால் பிளவுபடவில்லை என்றும், கட்சியைப் பற்றி கவலைப்படாத தமது தனிப்பட்ட நலன்களுக்காக நிற்கும் ஒரு சிறு குழுவினரால் பிளவுபட்டது என நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்க தெரிவித்துள்ளார்.
கட்சி உறுப்பினர்களைப் பற்றி கவலைப்படாத இந்த சிலர் பணத்திற்காக கட்சிக்கு துரோகம் செய்துள்ளதாக அவர் சுட்டிக்காட்டியுள்ளார்.
இரத்தினபுரி மாவட்ட உள்ளூராட்சி மன்ற பிரதிநிதிகளுடன் நேற்று (03) இடம்பெற்ற கலந்துரையாடலின் பின்னர் ஊடகவியலாளர்கள் எழுப்பிய கேள்விகளுக்கு பதிலளிக்கும் போதே அமைச்சர் மேற்கண்டவாறு தெரிவித்தார்.
அப்போது செய்தியாளர்கள் எழுப்பிய கேள்விகளும் பதில்களும் வருமாறு:
கேள்வி – கட்சியை உடைத்து விட்டீர்கள் என்ற குற்றச்சாட்டு உள்ளது. கட்சி
உடைந்தது ஏன்?
பதில் – கட்சியை ஒன்றிணைத்து இந்தப் பயணத்தை மேற்கொள்ள முயற்சிப்பவன் நான். அப்படி உடைப்பவர்கள் 2022 இல் ரணிலை நியமிக்காமல் டலஸை நியமித்திருக்க வேண்டும்.ஏன் அதைச் செய்யாமல் நாட்டைப் பற்றி சிந்தித்து கட்சியை ஒருங்கிணைக்கும் வேலைத்திட்டத்தை முன்மொழியப்பட்டது.
கேள்வி – ரணில் விக்கிரமசிங்க கடைக்கு செல்வார?
பதில் – அவருக்கு கடைக்குப் போக வேண்டிய தேவையில்லை. சவால்களை ஏற்றுக்கொண்டார்.சஜித் பிரேமதாச, ஹர்ஷ எம்.பி. ஆகியோர் நிதி அமைச்சின் செயலாளரிடம் பேசுகையில், நாடு ஆபத்தான நிலையில் இருப்பதால் ஏற்றுக்கொள்ள முடியாது என்று சொன்னார்கள். ட்விட்டரிலும் பதிவிட்டதாக ஞாபகம். அவ்வாறு சொன்ன வேளையில் நாட்டைக் காப்பாற்றிய தலைவன் கடைக்குப் போனதில் தவறில்லை. மக்கள் அந்த வழியில் செல்ல விரும்புவதால் இந்த முடிவு ஒருமனதாக எடுக்கப்பட்டது.
கேள்வி – நீங்கள் தொகுதி அமைப்பாளர் பதவியை இழக்கப் போகிறீர்களே. அது உங்களுக்கு கவலையாக இல்லையா? நீங்கள் ரிஸ்க் எடுக்கிறீர்களே. ரணில் விக்கிரமசிங்க தோற்றால்?
பதில் – நான் அந்த ரிஸ்கை இன்று நேற்று எடுக்கவில்லை. அன்றைய தினம் மஹிந்த காற்றில் ஸ்ரீ லங்கா சுதந்திரக் கட்சிக்கு எதிராக அந்த முடிவை எடுத்தேன். இன்றும் அந்த முடிவை எடுக்கிறேன். ஏனென்றால் நாட்டுக்காக எடுக்கும் முடிவு கெட்டுப் போகாது.
கேள்வி – மாவட்ட தலைவர் பதவியில் இருந்தும் நீக்கப்படுவதாகவும் சொல்லப்படுகிறதே. உண்மையில் உதயங்க வீரதுங்க என்று சொல்லப்படுபவர் யார்?
பதில் – இப்படித்தான், ஊடகங்கள் மனிதனைத் தூக்கிப் பிடிக்கும் போது மனிதன் நாயகனாகின்றான். நாமல் ராஜபக்சவும் கூறுகிறார் அவர் பொய் சொல்கிறார் என்று. அமைச்சர் சமல் கூறுகிறார் அவர் பைத்தியம் என்று. அதனால் நான் ஏன் அதைப் பற்றி பேச வேண்டும்? குடும்பமே அதைச் சொல்கிறது. அதற்கு நான் பதில் சொல்லத் தேவையில்லை. மாவட்ட தலைமை பதவியில் இருந்து நீக்கப்படுவேன் என்கிறார்கள். எப்பொழுதாவது எனக்கு மாவட்டத் தலைமையோ, தொகுதி அமைப்பாளரோ வழங்கப்படவில்லை. எனக்கு ஏற்பாட்டாளர் பதவியே வழங்கப்பட்டது. பதவியை விட்டு விலகுவது எனக்கு பெரிய விஷயமில்லை.
கேள்வி – கடைசி நிமிடத்தில் மொட்டு வேட்பாளரை எப்படி போட்டீர்கள்?
பதில் – அதைப் போட்டவர்களிடம்தான் கேட்க வேண்டும். வேறு ஒப்பந்தங்கள் நடக்கின்றன. அவர் முன்வருகிறார் என்று சிலர் நினைக்கிறார்கள்.ஜனாதிபதி தோற்கப் போகிறார் என்று தெரிந்தும் மொட்டிலிருந்து ஒருவரை அனுப்புகிறது.அடுத்து சஜித் அணி நாடாளுமன்றத் தேர்தலில் களமிறங்கும்.போய் ஒரு அமைச்சுப் பெற்றுக்கொள்வார்கள். ஏனென்றால் ரணில் தோற்பார் என்று அவர் நினைக்கிறார். நாட்டைப் பற்றி சிந்திக்காமல், தனிமனித அரசியலில் அனைவரும் செயல்படுகின்றனர். அங்குதான் இந்த நாடு தவறு செய்கிறது.
கேள்வி – இந்த தலைமுறை அரசியலை முடிவுக்கு கொண்டு வந்து இந்த நாட்டை உங்களின் கையில் எடுக்க முடியாதா?
பதில் – மகிந்த ராஜபக்ச எப்போதும் எனது ஆதர்ச தலைவர்.ஆனால் இன்று நிலைமை வேறு. பொருளாதார நெருக்கடியிலிருந்து நாட்டைக் காப்பாற்றிய தலைவருக்கு அரசியல் தளம் உள்ளது.பாரம்பரிய அரசியலை மாற்றியுள்ளோம். UNP, SLFP, முஸ்லிம் தலைவர்கள் இந்த மேடையில் இணைகின்றனர். இந்த நாட்டில் 1977 இல் தேர்தல் நடந்த போது, குறிப்பாக 94க்கு பிறகு, கூட்டணியில் இருந்த அரசியல் தலைவர்கள் இந்த நாட்டில் ஆட்சியைப் பிடித்தனர். எனவே இன்று அந்த அதிகாரம் ரணில் விக்கிரமசிங்கவிடம் சேர்க்கப்பட்டுள்ளது. அது நல்ல அறிகுறி. நாட்டைப் பற்றி நினைத்து பாரபட்சமின்றி வேலை செய்யும் இடம் ஏற்பட்டுள்ளது.
கேள்வி – பரந்த கூட்டணியில் இருந்து வருகிறதே.
பதில் – அவர் மற்ற அரசியல் கட்சிகளில் இணைந்து போட்டியிடும் சுயேச்சை வேட்பாளர்.
கேள்வி – இன்று இந்தக் கூட்டத்தில் கலந்து கொண்டு இந்த முடிவுகளை எடுப்பது யார்?
பதில் – உள்ளூராட்சி உறுப்பினர்கள் மட்டுமே இங்கு வந்தனர். தேர்தலில் ரணிலை ஆதரிக்க வேண்டும் என்று ஒருமனதாக கூறினார்கள்.
கேள்வி – ஸ்ரீலங்கா பொதுஜன பெரமுனவில் இணைய விரும்புபவர்கள் இருக்கிறார்களா?
பதில் – எண்ணிக்கையில் சொல்ல முடியாது. நாளை மறுநாளைப் பற்றி சிந்திக்காதவர்கள் நம்மோடு இணைவார்கள்.
2024.08.04
