மன்னார் கடற்பரப்பில் அத்துமீறி மீன்பிடியில் ஈடுபட்ட இந்திய மீனவர்கள் 8 பேர் இந்திய மீன்பிடிப் படகு ஒன்றுடன் இலங்கை கடற்படையினர் கைது செய்துள்ளனர்.
நேற்று திங்கட்கிழமை (26) வடக்கு கடற்பரப்பில் இலங்கை கடற்படையினர் மேற்கொண்ட வழமையான ரோந்து நடவடிக்கையின் போதே இந்த தடுப்பு நடவடிக்கை மேற்கொள்ளப்பட்டுள்ளது.
8 இந்திய மீனவர்களுடன் கைப்பற்றப்பட்ட இழுவை படகு தலைமன்னார் துறைமுகத்திற்கு கொண்டு செல்லப்பட்டுள்ளதுடன், மேலதிக சட்ட நடவடிக்கைகளுக்காக தலைமன்னார் கடற்றொழில் பரிசோதகரிடம் ஒப்படைக்கப்படும் என இலங்கை கடற்படை தெரிவித்துள்ளது.
