கொழும்பு சரவணமுத்து சர்வதேச விளையாட்டரங்கம் கடந்த ஞாயிற்றுக்கிழமை =செப்டம்பர் 20 )மலையகக் கல்வி அபிவிருத்தி மன்றத்தின் ஏற்பாட்டில் நடைபெற்ற 20 ஆவது ஆண்டு ருக்மணி அம்மாள் ஞாபகார்த்த மென்பந்து கிரிக்கெட் சுற்றுப்போட்டி கோலாகலமாக அரங்கேறியது.
காலையில் கொழும்பின் வானம் லேசான மேக மூட்டத்துடனும் குளிர்ந்த காற்றோடும் விழித்தெழுந்தாலும், களத்தில் வீரர்களின் வியர்வை சிதறச் செய்யும் இதமான சூழலே நிலவியது. வெறும் கோப்பையை வெல்வது மட்டுமல்லாமல், மலையகத்தின் பின்தங்கிய பாடசாலை மாணவர்களின் கல்வி ஒளிக்காக நிதி திரட்டும் உன்னத நோக்கோடு இந்தப் போட்டி நடத்தப்பட்டது. இதில் மொத்தம் 39 அணிகள் களம் கண்டு தங்களது திறமைகளை வெளிப்படுத்தின.
பரபரப்பான இறுதிப் போட்டி
இறுதிப் போட்டி வரை நீடித்த அட்லஸ் சிசி (Atlas CC) மற்றும் யுவர்போய்ஸ் (Youth Boys) அணிகளுக்கிடையேயான மோதல், பார்வையாளர்களின் இதயத்துடிப்பை அதிகரிக்கச் செய்தது:
முதல் இன்னிங்ஸ்: முதலில் களமிறங்கிய அட்லஸ் சிசி அணி, மைதானத்தின் நாலாபுறமும் பந்துகளைப் பறக்கவிட்டு, நிர்ணயிக்கப்பட்ட 5 ஓவர்களில் 4 விக்கெட் இழப்புக்கு 66 ஓட்டங்களைக் குவித்தது.
இரண்டாம் இன்னிங்ஸ்: 67 ஓட்டங்கள் என்ற சவாலான இலக்கை நோக்கித் துடுப்பெடுத்தாடிய யுவர்போய்ஸ் அணி, களத்தில் அனல் பறக்கப் போராடிய போதிலும், 5 ஓவர்கள் முடிவில் 3 விக்கெட்டுகளை இழந்து 53 ஓட்டங்களையே பெற முடிந்தது.
இறுதியில், 13 ஓட்டங்கள் வித்தியாசத்தில் த்ரில் வெற்றி பெற்ற அட்லஸ் சிசி அணி, 2026 ஆம் ஆண்டுக்கான வரலாற்றுச் சிறப்புமிக்க ருக்மணி அம்மாள் ஞாபகார்த்த வெற்றிக் கிண்ணத்தை முத்தமிட்டுக் கெத்து காட்டியது!
:
ஆட்டத்தின் தொடரின் நாயகன்: யுவர்போய்ஸ் அணியின் ஜெயக்குமாரும் சிறந்த துடுப்பாட்ட வீரராக : யுவர்போய்ஸ் அணியின் சங்கரும் தெரிவாகினர்.
மேலும் சிறந்த பந்துவீச்சாளராக அட்லஸ் சிசி அணியின் ரமேஷ் தெரிவனார்.
இலங்கை கிரிக்கெட் அணியின் முன்னாள் வேகப்பந்து வீச்சாளர் நுவான் சொய்சா பிரதம அதிதியாகக் கலந்துகொண்டு, வீரர்களை உற்சாகப்படுத்தியதோடு வெற்றியாளர்களுக்கும் விருதுகளை வழங்கிச் சிறப்பித்தார்.
