இரத்தினபுரி மாவட்டத்தில் தொடர்ச்சியாக நிலவி வரும் சீரற்ற காலநிலை காரணமாக, லெல்லோப்பிட்டிய தோட்டத்தின் 30ஆம் இலக்க லயன் குடியிருப்பு மீது பெரிய அரச மரம் ஒன்று உடைந்து வீழ்ந்ததில் குடியிருப்பு முற்றாகச் சேதமடைந்துள்ளது.
இன்று மாலை 5:00 மணியளவில் இத்தீடீர் அனர்த்தம் ஏற்பட்டுள்ளது. இதனால் குறித்த தொடர் லயன் குடியிருப்பில் வாழ்ந்து வந்த 14 குடும்பங்கள் தங்களின் இருப்பிடங்களை இழந்து பாதிக்கப்பட்டுள்ளனர்.
இச்சம்பவத்தில் காயமடைந்த பெண் ஒருவர் உடனடியாக மீட்கப்பட்டு, இரத்தினபுரி வைத்தியசாலையில் சிகிச்சைக்காக அனுமதிக்கப்பட்டுள்ளார்.
பாதிக்கப்பட்ட குடும்பங்களைச் சேர்ந்த பொதுமக்கள் தற்காலிகமாக அருகில் உள்ள கொழுந்து மடுவம் ஒன்றில் தங்க வைக்கப்பட்டுள்ளதுடன், அவர்களுக்கான நிவாரண உதவிகள் வழங்கப்பட்டு வருகின்றன.
விக்னேஷ், இரத்தினபுரி.
