*செல்வின் தாஸ் தயாரிப்பில், அசோன்வே பிக்சர்ஸ் நிறுவனத்தின் பிரமாண்ட தயாரிப்பாக உருவாகி வரும் ‘க்ரே’ திரைப்படத்தில், பிரபல இந்தி மற்றும் ஹாலிவுட் நடிகர் வருண் திவாரி இணைந்துள்ளார்*
இலங்கை சினிமாவின் சர்வதேச வரவாகவும், மிக பிரம்மாண்டமான தயாரிப்பாகவும் தயாராகி வரும் ‘க்ரே’ திரைப்படத்தில், நடிகர் வருண் திவாரி ‘பாபி’ என்ற மிக முக்கிய மற்றும் அழுத்தமான கதாபாத்திரத்தில் நடிக்கவுள்ளதாக படக்குழுவினர் அதிகாரப்பூர்வமாக அறிவித்துள்ளனர்.
இந்திய சினிமாவிலும் பன்முக பண்பாட்டு சர்வதேச திரைப்பட உலகிலும் தடம் பதித்துள்ள வருண் திவாரி, ஆஸ்திரேலிய மற்றும் இந்தியத் திரைத்துறையில் சிறந்த துணை நடிகருக்கான சர்வதேச விருதுகளைப் பெற்றவர் என்பதுடன், மேடை நாடகங்கள் மற்றும் உலகளாவிய அளவிலான கலை நிகழ்ச்சிகள் மூலம் ரசிகர்களைக் கவர்ந்த அனுபவமிக்க கலைஞர் ஆவார்.
சர்வதேச நட்சத்திர அந்தஸ்து கொண்ட இவரின் வருகையானது, இத்திரைப்படத்தின் மீதான எதிர்பார்ப்பை ஒட்டுமொத்த சினிமா வட்டாரத்திலும் மேலும் உயர்த்தியுள்ளது.
பல்வேறு உலகளாவிய நட்சத்திரங்களின் பங்களிப்பு மற்றும் அதிநவீன தொழில்நுட்பக் கலைஞர்களின் கூட்டணியில் உருவாகி வரும் ‘க்ரே’ திரைப்படம், இலங்கை சினிமாவை உலகத் திரைப்பட அரங்கில் அடுத்த கட்டத்திற்கு எடுத்துச் செல்லும் ஒரு முக்கிய படைப்பாக அமையும் என எதிர்பார்க்கப்படுகிறது.
திரைப்படத்தின் முதற்கட்டப் பணிகள் விறுவிறுப்பாக நடைபெற்று வரும் நிலையில், படம் குறித்த அடுத்தடுத்த முக்கிய அறிவிப்புகளையும், ஏனைய தொழில்நுட்பக் கலைஞர்கள் பற்றிய விபரங்களையும் ரசிகர்கள் மற்றும் ஊடகத்துறையினர் தற்போது ஆவலுடன் எதிர்நோக்கி காத்துள்ளனர்.
