வங்காள விரிகுடாவில் நிலைகொண்டுள்ள “முரசு” சூறாவளி தீவிர சூறாவளிப் புயலாக வலுப்பெறக்கூடும் என வளிமண்டலவியல் திணைக்களம் எச்சரித்துள்ளது.
இன்று நள்ளிரவுக்கும் நாளை அதிகாலைக்கும் இடைப்பட்ட காலத்தில் இச்சூறாவளி தெற்கு ஆந்திரக் கடலோரப் பகுதியில் கரையைக் கடக்கும் என எதிர்பார்க்கப்படுகின்றது.
இதன்காரணமாக, மன்னாரிலிருந்து காங்கேசன்துறை ஊடாக திருகோணமலை வரையான கடல் பகுதிகளுக்கும், வங்காள விரிகுடாவின் குறிப்பிட்ட ஆழ்கடல் பகுதிகளுக்கும் மறுஅறிவித்தல் வரை கடற்படையினரும் மீனவர்களும் செல்ல வேண்டாம் என அறிவுறுத்தப்பட்டுள்ளனர்.
கடலில் உள்ள மீனவர்கள் உடனடியாகப் பாதுகாப்பான இடங்களுக்கு மாறுமாறு கேட்டுக்கொள்ளப்பட்டுள்ளதுடன், பொதுமக்கள் வளிமண்டலவியல் திணைக்களத்தின் அடுத்தடுத்த அறிவிப்புகளைக் கவனத்திற் கொள்ளுமாறு கோரப்பட்டுள்ளனர்.
