சர்வதேச கிரிக்கெட் பேரவையின் வருடத்தின் அதிசிறந்த கிரிக்கெட் வீரருக்காக அவுஸ்திரேலிய அணி தலைவர் பெட் கம்மின்ஸ் தெரிவு செய்யப்பட்டுள்ளார்.
கடந்த வருடம் முழுவதும் துடுப்பாட்டத்திலும் பந்துவீச்சிலும் திறமையை வெளிப்படுத்திய பெட் கம்மின்ஸ், அவுஸ்திரேலிய அணியை சிறப்பாக வழிநடத்தியிருந்தார்.
பெட் கம்மின்ஸின் தலைமையின் கீழ் உலக டெஸ்ட் செம்பியன்ஷிப் தொடரின் இறுதிப் போட்டியில் வெற்றியீட்டிய அவுஸ்திரேலியா, தொடர்ந்து ஆஷஸ் தொடரைத் தக்க வைத்துக்கொண்டது.
அத்துடன், கடந்த வருடம் இந்தியாவில் நடைபெற்ற உலகக் கிண்ண கிரிக்கெட் தொடரில் அவுஸ்திரேலிய அணி 6ஆவது தடவையாகவும் உலக கிண்ணத்தை தமதாக்கி கொள்ள அந்த அணியின் தலைவர் பெட் கம்மின்ஸின் தலைமைத்துவப் பாணி மிகவும் முக்கியமானது என சர்வதேச கிரிக்கெட் பேரவை குறிப்பிட்டுள்ளது.
வருடத்தின் அதிசிறந்த கிரிக்கெட் வீரராக அவுஸ்திரேலிய அணி தலைவர் பெட் கம்மின்ஸ் தெரிவு.
